पारगाव : आंबेगाव तालुक्याच्या पुर्वभागातील गावांमध्ये आज रविवारी गुढीपाडवा सण पारंपारिक पध्दतीने उत्साहात साजरा करण्यात आला गावातील ग्रामदेवतेच्या मंदिरात पारंपारिक पध्दतीने हिंदु नववर्षाच्या पंचागाचे विधिवत पुजन व वाचन करण्यात आले अनेक गावात ग्रामदेवताच्या यात्रा उत्सवाच्या नियोजनाच्या बैठका संपन्न झाल्या अवसरी बुद्रुक येथील सातपिंपळ परिसरात शेकडो वर्षापासुन चालत आलेल्या परंपरेनुसार " आढं वाचनाचा " कार्यक्रम झाला यावेळी ग्रामस्थ मोठ्या संख्येने उपस्थित होते.
