Pune Flower MarketSakal
पुणे
Pune Flower Market : फूलबाजाराच्या इमारत बांधकामाला विलंब : मंत्री जयकुमार रावल
Pune Development : गुलटेकडी फूलबाजाराच्या इमारतीचे काम २०१६ पासून रखडले असून, आराखड्यात बदल झाल्यामुळे अद्यापही हे काम अपूर्ण असल्याची माहिती मंत्री जयकुमार रावल यांनी विधानसभेत दिली.
पुणे : गुलटेकडी येथील पुणे कृषी उत्पन्न बाजार समितीच्या आवारातील फूलबाजाराच्या नवीन इमारतीच्या मूळ आराखड्यात बदल करण्यात आला आहे. या इमारतीत अतिरिक्त दोन मजले आणि वाहनतळासाठी एक अतिरिक्त तळमजला वाढविण्यात आल्याने अद्याप बांधकाम सुरू असल्याची माहिती पणनमंत्री जयकुमार रावल यांनी विधानसभेत दिली. नऊ वर्षांपासून सुरू असलेल्या या कामाला विलंब झाल्याची अप्रत्यक्ष कबुलीही मंत्री रावल यांनी या वेळी दिली.