हडपसर - लग्न झाल्यानंतर अवघ्या महिनाभरात सातवडी येथील 'दिपा' ही तरूणी हुंडाबळीची शिकार ठरली. तिने आपल्या राहत्या घरी गळफास घेऊन आत्महत्या केल्याची घटना सोमवारी (ता.१९) घडली. याबाबत तिच्या पतीसह सासू-सासरे व दीरावर गुन्हा दाखल करण्यात आला आहे. गेली तीन-चार दिवसापासून पुण्यातील वैष्णवी हगवणे हुंडाबळी प्रकरण गाजत असतानाच हडपसर येथेही अशीच घटना घडल्याने जनमानसात हळहळीसह संतापाची भावना उमटली आहे.