पुणे - पुणे शहरातील पथारी व्यावसायिकांच्या शुल्कात ७५ टक्के कपात करावी, थकबाकी वसुलीसाठी अभय योजना राबवावी असा ठराव स्थायी समितीला दिला होता. त्यावर स्थायी समितीमध्ये निर्णय झालेला नसून, त्यावर प्रशासनाकडून अभिप्राय मागविण्यात आला आहे. .शहरातील १२ हजार १५५ पथारी व्यावसायिकांनी निर्माण केलेल्या ६४ कोटी रुपयांच्या थकबाकीच्या वसुलीसाठी प्रशासनाकडून कडक पाऊल उचलण्यात आले आहे. त्यातील १ हजार ८२० जणांनी २०१८ पासून शुल्क थकविले असून, त्यांची थकबाकी ही २० कोटीच्या पुढे आहे..जर ही थकबाकी ३१ मार्च पर्यंत भरली नाही तर थकबाकीदारांचा परवाना रद्द केला जाणार आहे, परवानाधारक आणि त्यांचे कुटुंबीय यांना काळ्या यादीत टाकले जाणार आहे. तसेच पुढील सर्वेक्षणात परवानाधारक व त्यांच्या कुटुंबीयांना सहभागी होता येणार नाही. अशी अट टाकली आहे.त्यापार्श्वभूमीवर भाजपच्या नगरसेविका स्मिता वस्ते यांनी स्थायी समितीपुढे नगरसेवकांनी पथारी व्यावसायिकांसाठी अभय योजना राबवा, मासिक भाड्यात ७५ टक्के कपात करावी असा ठराव दिला होता. त्यावर कोणताही निर्णय न घेता. प्रशासनाचा अभिप्राय मागविण्यात आला आहे. त्यामुळे प्रशासनाकडून आलेल्या अभिप्रायावर पुढील कार्यवाही होणार आहे..प्रशासनाकडून अर्धवट अभिप्रायसमाविष्ट गावातील मिळकतींना ग्रामपंचायतीच्या कराच्या दुपटीपेक्षा जास्त कर लावू नये, दरवर्षी २० टक्के कर आकारणी करावी, त्याच प्रमाणे नियमीत कर भरणाऱ्यांना १० टक्के सवलत द्यावी असे ठराव नगरसेवकांनी स्थायी समितीला दिले होते. हे सर्व प्रस्ताव अभिप्रायासाठी प्रशासनाकडे पाठवले होते. त्यावर नकारात्मक अभिप्राय दिल्याने नगरसेवकांचे ठराव फेटाळण्यात आले आहेत..मात्र, हे अभिप्राय देताना प्रशासनाने ग्रामपंचायतीच्या करापेक्षा दुपटीपेक्षा जास्त कर आकारू नये यासंदर्भात कोणताही अभिप्राय दिलेला नाही व अन्य विषयावर अभिप्राय दिला आहे. अधिकाऱ्यांनी खुबीने हा विषय टाळून अर्धवट अभिप्राय दिल्याचे स्पष्ट होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
