पुणे - संचमान्यता १५ मार्च २०२४ च्या अन्यायकारक शासन निर्णयामुळे पुणे जिल्ह्यातील ७४ शाळांना शून्य शिक्षक मिळाले आहेत. शिक्षकाविना ‘या’ शाळा चालवायच्या कशा?, असा प्रश्न मुख्याध्यापक आणि संस्थाचालक यांच्यासमोर निर्माण झाला असून विद्यार्थ्यांचे भवितव्य अंधारात आहे. या निषेधार्थ पुणे जिल्हा मुख्याध्यापक संघाच्या वतीने पुणे जिल्हाधिकारी कार्यालयासमोर एक दिवसीय आंदोलन करण्यात आले.