पुणे : पुणे विभागात गेल्या सात महिन्यांत ६३९५ रुग्णांना तब्बल ५४ कोटी ९१ लाख ३७ हजार रुपयांची मदत दिली गेली आहे. आर्थिकदृष्ट्या दुर्बल व गरीब रुग्णांच्या उपचारांसाठी मुख्यमंत्री सहाय्यता निधी कक्षाकडून ही मदत देण्यात आली. .प्रत्येक जिल्ह्यात याबाबतचे डिजिटल प्रणाली असलेले जिल्हा कक्ष स्थापन करण्यात आले आहेत. ज्यामुळे रुग्णांना मंत्रालयात जाण्याची गरज भासत नाही. रुग्णांनी प्रथम महात्मा जोतिराव फुले जन आरोग्य योजना, आयुष्मान भारत, राष्ट्रीय बाल स्वास्थ्य कार्यक्रम किंवा धर्मादाय रुग्णालयांच्या योजनांचा लाभ घ्यावा. जर या योजनांद्वारे उपचार शक्य नसतील, तर मुख्यमंत्री वैद्यकीय सहाय्यता निधी कक्षाकडे संलग्न असणाऱ्या रुग्णालयातून अर्ज करता येतो. यामुळे शासकीय योजनांचा लाभ होतो आणि निधीचा उपयोग खऱ्या गरजू रुग्णांपर्यंत पोहोचतो, अशी माहिती मुख्यमंत्री सहाय्यता निधी व धर्मादाय रुग्णालय मदत कक्षाचे प्रमुख रामेश्वर नाईक यांनी दिली..वीस गंभीर आजारांसाठी मदतकॉक्लियर इम्प्लांट (वय वर्षे २ ते ६), हृदय, यकृत, किडनी, फुप्फुस, बोन मॅरो प्रत्यारोपण, हाताचे प्रत्यारोपण, खुबा सांधेबदल, कर्करोग शस्त्रक्रिया, रस्ते अपघात, लहान बालकांची शस्त्रक्रिया, मेंदूचे आजार, हृदयरोग, डायलिसिस, कर्करोग (केमोथेरपी/रेडिएशन), अस्थिबंधन, नवजात शिशुंचे आजार, गुडघ्याचे प्रत्यारोपण, बर्न (भाजलेले) रुग्ण, विद्युत अपघात रुग्ण या अशा एकूण २० गंभीर आजारांसाठी अर्थसहाय्य दिले जाते..राज्यात पेपरलेस प्रणाली, जिल्हा कक्षांची स्थापना आणि विविध सकारात्मक बदलांमुळे गरजू रुग्णांपर्यंत वेळेत मदत पोहोचत आहे. यापुढेही जास्तीत जास्त गरजू रुग्णांना मदत केली जाणार आहे.- रामेश्वर नाईक, मदत कक्ष प्रमुख, मुख्यमंत्री सहाय्यता निधी व धर्मादाय रुग्णालय.आवश्यक कागदपत्रेरुग्णाचे आधार कार्ड, रेशन कार्डरुग्ण दाखल असल्यास त्याचा जिओ टॅग फोटोतहसीलदार कार्यालयाचा उत्पन्नाचा दाखला (१.६० लाखांपेक्षा कमी असणे आवश्यक)आजाराचे वैद्यकीय अहवाल, वैद्यकीय खर्चाचे प्रमाणपत्ररुग्णालयाची नोंद मुख्यमंत्री सहाय्यता निधी कार्यालयाच्या संगणक प्रणालीवर असावीअपघातग्रस्त रुग्णांसाठी एफआयआर रिपोर्ट आवश्यकअवयव प्रत्यारोपण रुग्णांसाठी झेडटीसीसी नोंदणी पावती आवश्यकसर्व कागदपत्रे पीडीएफ स्वरूपात aao.cmrf-mh@gov.in या ई-मेल वर पाठवावीत. अधिक माहितीसाठी टोल फ्री ९३२११०३१०३ या क्रमांकांवर चौकशी करावी..पुणे विभागातील मदतीचा आढावा (१ जानेवारी ते ३१ जुलै २०२५)जिल्हा रुग्णसंख्या मदत रक्कमपुणे २१४२ २० कोटी ५६ लाख ९१ हजारकोल्हापूर १७१३ १३ कोटी १७ लाख ६४ हजारसांगली ९३६ ७ कोटी ३५ लाख ७८ हजारसोलापूर ७६४ ६ कोटी ५८ लाख २० हजारसातारा ८४० ७ कोटी २२ लाख ८५ हजार.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
