विश्रांतवाडी - धानोरीत सोसाट्याचा वारा व मुसळधार पावसामुळे तीन ठिकाणी झाडे पडल्याच्या घटना घडल्या. पोरवाल रस्ता येथे तीन चारचाक्यांवर झाड पडले. चारचाक्यांचे मोठ्या प्रमाणात नुकसान झाले. मुंजाबावस्ती येथे धनेश्वर शाळेजवळ झाड पडले..तर भैरवनगर येथे लेन 10 मध्ये रोहन अपार्टमेंटजवळ एक झाड चारचाकी गाड्यांवर पडले. यामुळे या दोन्ही गाड्यांचे खूप नुकसान झालेले आहे. या घटनेमध्ये जीवितहानी झाली नाही. परंतु पडलेले झाड बाजूला करेपर्यंत खूप वेळ गेला. त्यामुळे वाहतुकीस अडथळा येत होता..वाहनांच्या रांगा लागल्या होत्या. पोरवाल रस्ता व भैरवनगर येथे अग्निशामक दलाच्या जवानांनी, तर मुंजाबा वस्ती येथे उद्यान विभागाच्या कर्मचार्यांनी पडलेले झाड व त्याच्या फांद्या शक्य तितक्या लवकर उचलून बाजूला केल्या..याबाबत धानोरी येथील मनसेचे कार्यकर्ते गणेश पाटील म्हणाले की, भैरवनगर येथे झाड पडून दोन तास झाले तरी मनपातर्फे काहीच मदत मिळत नव्हती. धानोरी अग्निशामक दलाकडे गाडी उपलब्ध नाही.आपत्कालीन मनपा कर्मचारी उपलब्ध नाहीत? त्यांचे फोन लागत नाहीत? येरवडा अग्निशामक दलाकडे गाडी उपलब्ध नाही? उद्यान विभागाचे कर्मचारी उपलब्ध नाहीत, अशी परिस्थिती होती. हेच पुणे महापालिकेचे आपत्कालीन व्यवस्थापन का?.यासंदर्भात येरवडा क्षेत्रीय कार्यालयाचे अधिकारी चंद्रसेन नागटिळक म्हणाले की, आम्हाला झाड पडल्याचे कळताच आम्ही अग्निशामक दल व उद्यान विभागाला कळवून मदत पोहोचवली. तातडीने काम सुरूही झाले होते. पोरवाल रस्त्यावरील झाड काढत असल्यामुळे भैरवनगर येथे यायला अग्निशामक दलाच्या कर्मचार्यांना वेळ लागला. पण आल्यानंतर तातडीने त्यांनी झाड उचलून रस्ता मोकळा करून दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
