उंड्री: गणेशोत्सवामध्ये दांडी मारल्यानंतर आज (सोमवार, दि. ४ ऑक्टोबर) सहाच्या सुमारास आकाशामध्ये काळेकुट्ट ढग दाटून आले. विजांचा कडकडाट आणि सोसाट्याचा वारा, ढगांच्या गडगडाटासह वरुणराजाने दमदार हजेरी लावली. रस्ते जलमय झाल्याने दुचाकीस्वारांची चांगलीच तारांबळ उडाली. चारचाकी वाहनचालकांनीही सावध पवित्रा घेत वाहनांचा वेग कमी ठेवून घर गाठण्यासाठी लगबग सुरू असल्याचे दिसून आले. (Pune Rain Update)
काळेकुट्ट आभाळ भरून आले होते, तर पावसाच्या जोरदार सरी कोसळत होत्या. त्यामुळे मंतरवाडी-कात्रज बायपास रस्त्यावरील वाहनांचा वेग मंदावला होता. भाजीविक्रेत्यांसह खरेदीदार आणि चाकरमान्यांची चांगलीच तारांबळ उडाली. सखल भागात पाणी साचल्यामुळे अनेकांनी दुचाकी रस्त्याच्या बाजूला लावून थांबणे पसंत केले होते. दुकान, हॉटेल्स, चहा टपरीचा अनेकांनी अडोसा घेतला. वडकी, होळकरवाडी, शेवाळेवाडी, उंड्री, पिसोळी, मंतरवाडी, औताडेवाडी आदी परिसरात जोरदार पाऊस पडल्याने परिसर जलमय झाला होता, असे पुणे जिल्हा नियोजन समितीचे सदस्य निवृत्ती बांदल यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
