हिंदमाता विद्यालयात स्नेहसंमेलन साजरे

आळेफाटा, ता. १ : वडगाव (कांदळी) ता. जुन्नर येथील हिंदमाता माध्यमिक, उच्च माध्यमिक आणि तांत्रिक विद्यालयात वार्षिक स्नेहसंमेलन आणि इयत्ता दहावी, बारावीच्या विद्यार्थ्यांचा सदिच्छा समारंभ पार पडला. हा कार्यक्रम संस्थेचे अध्यक्ष प्रकाश बोरा, उपाध्यक्ष जितेंद्र बोरा यांच्या मार्गदर्शनाखाली पार पडला. याप्रसंगी जिल्हा परिषदेचे माजी उपाध्यक्ष पांडुरंग पवार, माउली खंडागळे, गावच्या सरपंच उल्का श्रीकांत पाचपुते, उपसरपंच संजय खेडकर, शिवसेना महिला आघाडी जुन्नर प्रमुख शोभा पाचपुते, बिरोबा पतसंस्थेचे अध्यक्ष सचिन निलख, दूध संस्थेचे अध्यक्ष संदेश पाचपुते, पोलिस पाटील बाळासाहेब पाचपुते आदी उपस्थित होते.
गावच्या सरपंच उल्का पाचपुते यांच्या अध्यक्षतेखाली सदिच्छा समारंभ झाला. यावेळी विद्यार्थ्यांनी शाळा आणि शिक्षकांविषयी मनोगत व्यक्त केले. शिक्षकांनी दिलेली ज्ञानाची शिदोरी ही आयुष्यभराचा अनमोल ठेवा आहे अशा प्रकारच्या भावना विद्यार्थ्यांनी व्यक्त केल्या.
यावेळी प्राथमिक शाळा व हिंदमाता विद्यालयातील विद्यार्थ्यांनी सांस्कृतिक कार्यक्रम सादर केले. याप्रसंगी विद्यार्थ्यांनी गणेशवंदना, गवळण, लगीन देवाचे, साउथ गाणे, हिंदी रीमिक्स, गोंधळ गीत, चिऊताई, कोळीगीत, घूमर राजस्थानी गीत, स्वर्गात आकाश गंगेला सोनेरी घाट, फनी डान्स, लावणी अशा प्रकारची गीते सादर केली. विद्यालयातील ३०७ विद्यार्थ्यांनी कार्यक्रमात सहभाग घेतला. कार्यक्रमाचे नियोजन प्राचार्य सुनील जाधव प्राथमिक शाळेच्या मुख्याध्यापिका विजया दांगट यांच्या मार्गदर्शनाखाली सांस्कृतिक विभागातील रवींद्र मधे, रत्नमाला यादव, अमर केदारी, गोरक्ष नवले, वर्षा गायकवाड, मंगला खंडागळे, वर्षा वाघ, नीता जगताप, कमलेश्‍वरी कुवर, सारिका झावरे यांनी केले. बाळू कदम यांनी प्रास्ताविक केले. किसन यादव, मधुकर शिंदे यांनी सूत्रसंचालन तर नंदकिशोर कुटे यांनी आभार मानले.