कोथरुड - गुरुदास सकाळी उठून वर्तमानपत्र टाकायचा. हिंजवडीला कामाला जायचा. कष्टातून प्रगती करायची. आपले काम आणि आपण असाच त्याचा स्वभाव होता. असा चांगला मित्र गेल्यामुळे आम्हाला दुख होते आहे अशी भावना केळेवाडी येथील रहिवाशांनी व्यक्त केली.
गुरुदास खंडू लोखरे, (वय-४०) रा. हनुमाननगर याचे हिंजवडी येथील अपघातात निधन झाले. त्याच्या मागे पत्नी आणि दोन मुले आहेत. श्रेयस हा थोरला मुलगा १३ वीचे तर धाकटा ओंकार हा ६ वीचे शिक्षण मुळशी तालुक्यात घेतोय.
गुरुदास यांच्या पत्नी घरकाम करुन कुटूंबाच्या उत्पन्नात भर कशी पडेल व मुलांना चांगले शिक्षण कसे देता येतील यासाठी अहोरात्र कष्ट करत होते. मुलांना शिकवून मोठे करायचे हे त्यांचे स्वप्न होते. आता जीवनाचा जोडीदार अचानक झालेल्या अपघाताने निघून गेल्याने लोखरे कुटूंबावर फार मोठा मानसिक आघात झाला आहे.
त्यांच्या कुटूंबातील कोणीही बोलण्याच्या मनस्थितीत नव्हते. आत्ताशी कोठे जीवन फुलायला लागले आहे असे वाटत असतानाच ही दुर्घटना घडल्याने गुरुदासच्या नातेवाईकांबरोबरच मित्रपरिवारांवरही दुखाचे सावट पसरले आहे.
केळेवाडी येथे राहणारे भुषण शिर्के म्हणाले की, केळेवाडी येथील विठ्ठल रुखमिणी सेवा मंडळाच्या जवळ गुरुदासचे घर होते. त्यांच्या जाण्याने केळेवाडीतील एक चांगला मित्र गमावल्याचे आम्हाला दुख होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.