पुणे - शहरात हिट ॲण्ड रनच्या घटना सुरूच असून, मद्यधुंद भरधाव मोटारचालकाने संचेती पुलापासून पुढे काही अंतरावर तिघांना धडक दिली. या अपघातात तिघेजण किरकोळ जखमी झाले आहेत. ही घटना गुरुवारी (ता. ३) रात्री पावणेआठ वाजण्याच्या सुमारास घडली. या प्रकरणी शिवाजीनगर पोलिसांनी मोटारचालकाला ताब्यात घेतले आहे.
प्रत्यक्षदर्शींनी दिलेल्या माहितीनुसार, संचेती पुलाकडून भरधाव वेगाने निघालेल्या मोटारीमध्ये चालकासह तरुण-तरुणी असे तिघेजण होते. मोटारीने एआयएसएसएमएस संस्थेजवळ रस्त्याने जाणाऱ्या तिघांना धडक दिली. अपघातानंतर मोटारचालकाने घटनास्थळावरून पळून जाण्याचा प्रयत्न केला. यावेळी एका वाहनचालकाने त्याचे वाहन आडवे पुढे आणून भरधाव मोटार अडवली.
काही वेळातच पोलिस घटनास्थळी दाखल झाले. अपघातावेळी मोटारीमध्ये एक तरुणीही असल्याचे प्रत्यक्षदर्शींनी सांगितले. यापूर्वी कल्याणीनगर भागात पोर्शे मोटार अपघातात तरुण-तरुणीचा मृत्यू झाला होता. अशा घटनांची पुनरावृत्ती टाळण्यासाठी पोलिसांकडून कठोर उपाययोजना करण्याची मागणी नागरिकांकडून होत आहे.
पोलिसांनी मोटारचालकाला ताब्यात घेतले आहे. प्राथमिक चौकशीत मोटारचालकाने मद्य सेवन केल्याचे समोर आले आहे. त्याला वैद्यकीय तपासणीसाठी ससून रुग्णालयात नेण्यात आले आहे. जखमींपैकी अद्याप कोणी तक्रार दिलेली नाही. या प्रकरणी ड्रंड ॲंड ड्राइव्हची कारवाई करण्यात येत असून, पुढील तपास करण्यात येत आहे.
- चंद्रकांत सूर्यवंशी, पोलिस निरीक्षक (गुन्हे), शिवाजीनगर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.