Sinhgad Road News : रक्कम परत न दिल्याने बांधकाम व्यवसायिकाच्या कार्यालयातच सदनिका धारकांचे धरणे आंदोलन

सिंहगड रस्ता - सोसायटी देखभालीसाठी घेतलेली रक्कम सोसायटीला अनेक वेळा पाठपुरावा करून देखील परत न केल्याने; सोसायटी सदस्यांनी बांधकाम व्यवसायिकाच्या कार्यालयात धरणे आंदोलन केले..सिंहगड रस्त्यावरील प्रयेजा पुरम सहकारी गृहनिर्माण संस्थेचे प्रमोटर्स आणि डेव्हलपर्स यांनी सोसायटी स्थापन होऊनही प्रत्येक सदनिका धारकाकडून देखभालीसाठी घेतलेली रक्कम सोसायटीला अनेक वेळा पाठपुरावा करूनही दिली नाही.तसेच सहकारी संस्थेच्या हस्तांतरण केले नाही , सदनिकांची पूर्ण रकमा घेऊन देखील प्रकल्पातील कामे पूर्ण न करून विश्वासघात केला. याच्या निषेधार्थ प्रयेजा पुरम येथील रहिवाशांनी शनिवारी सिंहगड रस्ता येथील प्रयेजा सिटी परिसरातील बांधकाम व्यावसायिकाच्या विक्री कार्यालया समोर दिवसभर धरणे आंदोलन केले..यासोबतच सर्व रहिवाशांनी बांधकाम व्यावसायिकाच्या विक्री कार्यालयात रात्रभर धरणे आंदोलन करण्याचा निर्णय घेतला आहे. सर्व रहिवासी बांधकाम व्यवसायिकाच्या विक्री कार्यालयात धरणे आंदोलनासाठी बसलेले आहेत. या संदर्भात सोसायटीच्या वतीने पोलिसांकडे तक्रार देखील दाखल करण्यात आलेली आहे.मेसर्स भंडारी गेलडा असोसिएट यांच्यावतीने विजय बंडुलाल भंडारी व प्रयेजा डेव्हलपर्स तर्फे संदीप नारायण जानी यांनी हा प्रकल्प बांधलेला आहे. या प्रकल्पामध्ये 108 सदनिका आणि चार दुकाने आहेत..बांधकाम व्यावसायिकाने प्रकल्पाच्या देखभालीसाठी काही सदनिका धारकांकडून दोन वर्षाचा तर काही सदनिका धारकांकडून तीन वर्षांच्या सोसायटी देखभालीसाठी रकमा घेतलेल्या आहेत.सोसायटीची स्थापना होऊनही बिल्डर सहकारी संस्थेचे हस्तांतरण आणि महत्त्वाचे म्हणजे बांधकाम व्यावसायिकाकडे देखभाल शुल्कापोटी सुमारे 28 लाखांची रक्कम अनेक वेळा पाठपुरावा करूनही सोसायटीला हस्तांतरित करत नाही. याच्या निषेधार्थ हे आंदोलन सुरू आहे..बांधकाम व्यावसायिका कडून ही रक्कम मिळाली नाही त्यामुळे अनेक वेळा सोसायटीतील रहिवाशांना विजेचे बिल भरता आले नाही. परिणामी वीज मीटर काढून नेण्यात आले आहे. तसेच लिफ्ट बंद पडल्यामुळे जेष्ठ नागरिकांना त्रास झाला आहे.त्यामुळे बांधकाम व्यावसायिक त्यांच्याकडे असलेली सोसायटीची रक्कम देत नाही तोपर्यंत आम्ही हटणार नाही अशी भूमिका प्रयेजा पुरम येथील रहिवाशांनी घेतली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.