जेजुरी : पुण्यश्लोक अहिल्यादेवी होळकर यांचे कार्य देशभर पसरले आहे. त्यांच्या नावाने मिळालेला पुरस्कार मला पुढील कार्यासाठी ऊर्जा देणारा ठरेल,’’ अशी भावना विधान परिषदेच्या उपसभापती डॉ. नीलम गोऱ्हे यांनी व्यक्त केल्या. .जेजुरीतील शरदचंद्रजी पवार महाविद्यालयाच्या वतीने देण्यात येणारा राज्यस्तरीय पुण्यश्लोक अहिल्यादेवी होळकर पुरस्कार डॉ. गोऱ्हे यांना अहिल्यादेवी होळकर यांचे वंशज भूषणसिंहराजे होळकर यांच्या हस्ते प्रदान करण्यात आला. समारंभाच्या अध्यक्षस्थानी विजय कोलते होते. यावेळी माजी नगराध्यक्ष दिलीप बारभाई, दिलीप यादव, ममता लांडे- शिवतारे, माई कोलते, शांताराम पोमण, रोहिदास कुंभार, मुख्य विश्वस्त मंगेश घोणे आदी उपस्थित होते. डॉ. गोऱ्हे यांनी आमदार स्थानिक विकास निधीतून महाविद्यालयासाठी १० लाख रूपयांचा निधी यावेळी जाहीर केला..भूषणसिंहराजे होळकर म्हणाले, ‘‘अहिल्यादेवी यांनी आपल्या खजिन्याचा उपयोग जनकल्याणासाठी केला. केवळ मंदिराचा जीर्णोद्धर त्यांनी केला नाही तर मंदिराभोवती असणारी अर्थव्यवस्थाही विकसित केली.’’.विजय कोलते म्हणाले, ‘‘. अहिल्यादेवी यांच्याविषयी कृतज्ञता व्यक्त करावी, या हेतूने आम्ही त्यांच्या नावाने पुरस्कार सुरू केला आहे.’’प्राचार्य डॉ. धनाजी नागणे यांनी स्वागत केले. सन्मानपत्राचे वाचन शांताराम पोमण यानी केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
