पुणे : ‘‘स्त्रीतत्त्वाला समाजात प्रतिष्ठा मिळाली पाहिजे. देवीतत्त्व केवळ पूजनीय संकल्पना नसून, ती प्रत्येक स्त्रीच्या अंतर्मनातील दिव्य ऊर्जेचे मूर्त रूप आहे. सनातन भारतीय संस्कृतीतील मूल्यांमध्ये याच देवीतत्त्वाचा सन्मान आणि प्रतिष्ठाही आहे,’’ अशा शब्दांत ‘एपी ग्लोबाले’चे संस्थापक-अध्यक्ष आणि ‘सकाळ माध्यम समूहा’चे व्यवस्थापकीय संचालक अभिजित पवार यांनी स्त्री शक्तीचा गौरव करत, समाज बदलण्याआधी स्वतःला बदला, असा सल्ला दिला.
