पुणे : '"लॉकडाऊन आणि कोरोनाचा वाढता संसर्ग यामुळे हॉटेल व्यवसाय प्रतिकूल परिस्थितीतून जात आहे. परंतु ऑनलाइन सेवेमुळे हा व्यवसाय पुन्हा कार्यरत होईल. लॉकडाऊन उठल्यावर पुन्हा जोम पकडेल," असा विश्वास हॉटेल व्यवसायातील तज्ज्ञांनी व्यक्त केला आहे.
महाराष्ट्र कॉस्मोपॉलिटन एज्युकेशन सोसायटीच्या अल्लाना इनस्टिट्यूट ऑफ हॉटेल मॅनेजमेंटच्या वतीने आयोजित या संदर्भातील वेबिनारला चांगला प्रतिसाद मिळाला. झैद खान (डेमी शेफ, जे. डब्ल्यू. मेरियट, दुबई) आणि अमित खत्री (सेल्स एक्झिक्युटिव्ह, हॉटेल फोर पॉईंट्स शेरेटन) या तज्ज्ञांनी या वेबिनारमध्ये सहभाग घेतला.
झैद खान म्हणाले,"कोरोनाचा संसर्ग वाढत असला तरी प्रदेशात सर्व हॉटेल व्यवसायामध्ये काळजी घेतली जात आहे. दुबईतील हॉटेल चालू असली तरी सुरक्षिततेचे आणि खबरदारीचे सर्व उपाय योजले जात आहेत. दर दोन तासांनी परिसर निरोगी आहे की नाही हे तपासले जाते आणि सोशल डिस्टनसिंग पाळले जाते. ग्राहकांना सेवा देताना सर्वोच्च दर्जाची काळजी घेतली जाते.'
खत्री म्हणाले,"लॉकडाऊनच्या काळात पुण्यातील पंचतारांकित हॉटेल्स बंद असली तरी फूड डिलीव्हरी अॅप सेवांशी समन्वय साधून ग्राहकांना सेवा देण्याचा प्रयत्न चालू आहे. लाॅंड्री सेवा पुरविण्यात येत आहे. लॉकडाऊन काळातून हॉटेल व्यवसाय तरेल आणि पुन्हा नव्या जोमाने सुरु होईल. हॉटेल मॅनेजमेंटच्या विद्यार्थ्यांनी नाउमेद न होता अभ्यास सुरु ठेवावा." डॉ. अनिता फ्रांझ, विन्सेंट केदारी, इम्रान सय्यद यांनी वेबिनारचे संयोजन केले.
पुण्याच्या इतर बातम्या वाचण्यासाठी येथे-क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.