पुणे - पत्नीच्या विश्वासघाताने मानसिकदृष्ट्या खचलेल्या एका तरुणाने गळफास घेऊन जीवन संपविल्याची घटना वडगाव शेरी परिसरात घडली. पत्नीने दुसरा विवाह करून फसवणूक केल्याने आणि धमकी दिल्यामुळे हा प्रकार घडल्याची माहिती समोर आली आहे. .सिडनी लॉरेन्स दोरायराज (वय-३९, रा. शिलानंद हाऊसिंग सोसायटी, सोमनाथनगर, वडगाव शेरी) असे आत्महत्या केलेल्या तरुणाचे नाव आहे. याबाबत त्यांचा मोठा भाऊ स्टॅन्ली लॉरेन्स दोरायराज (वय ४१) यांनी चंदननगर पोलिस ठाण्यात फिर्याद दिली आहे..या फिर्यादीनुसार, पोलिसांनी स्वाती सिडनी दोरायराज (वय-३२) आणि तिचा प्रियकर चेतन मोरे (वय-३५, रा. श्रीनिवास टेनेमंट, बडोदा, गुजरात) यांच्याविरुद्ध फसवणूक आणि आत्महत्येस प्रवृत्त केल्याचा गुन्हा दाखल करण्यात आला आहे..स्वाती आणि सिडनी यांचा विवाह नोव्हेंबर २०१४ मध्ये झाला होता. काही काळाने स्वातीचे चेतन मोरे याच्याशी प्रेमसंबंध निर्माण झाले. कायदेशीर घटस्फोट न घेता स्वाती चेतनसोबत राहू लागली. यानंतर तिने सिडनीला ‘मी परत येणार आहे’, असे सांगून त्याच्याकडून वेळोवेळी १५ लाख १८ हजार रुपये उकळले..सिडनीने जेव्हा पैसे परत मागितले आणि नांदायला येण्याची विनंती केली. तेव्हा स्वातीने त्याला ‘मी तुझ्यावर बलात्कार आणि छळाचा गुन्हा दाखल करीन, तुझ्या घरच्यांना कारागृहात पाठवीन, आणखी पैसे पाठव’, अशी धमकी दिली. या मानसिक छळामुळे सिडनीने घरात गळफास घेऊन आत्महत्या केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
