इंदापूर - तालुक्यातील कळाशी येथील 26 वर्षीय विवाहित महिलेचा पतीनेच खून केल्याची घटना घडली. विशेष बाब म्हणजे तीन महिन्यापूर्वी सदर महिला बेपत्ता असल्याची तक्रार पतीनेच दिली होती..यामध्ये पतीनेच तिचा खून करून मृतदेह नाशिक जिल्ह्यातील नांदगाव तालुक्यातील ढेकुगाव ते परधाडी घाटात निर्जनस्थळे टाकून दिला. हे इंदापूर पोलिसांनी केलेल्या तपासात निष्पन्न झाले असून, तब्बल तीन महिन्यानंतर या खुनाचा उलघडा झाला आहे. याप्रकरणी महिलेचा पती जोतीराम आबा करे व त्याचा मित्र दत्तात्रय शिवाजी गोलांडे यांच्या विरोधात गुन्हा दाखल करत त्यांना अटक करण्यात आली आहे..याबाबत अधिक माहिती अशी की, 29 जानेवारी 2025 रोजी प्रियंका जोतीराम करे (वय-26 वर्षे, रा. कळाशी, ता. इंदापूर) या बेपत्ता झाल्याची तक्रार इंदापूर पोलीस स्टेशन येथे दाखल करण्यात आली होती..त्यानंतर इंदापूर पोलिसांनी सखोल तपास करीत पुढे आलेल्या माहितीवरून, सुधिर भिमराव काळे (वय-41 वर्षे, पोलिस हवालदार, इंदापूर पोलीस ठाणे) यांनी फिर्याद दिली. या फिर्यादीनुसार 27 जानेवारी 2025 रोजी रात्री 10 वाजताच्या सुमारास जोतीराम आबा करे (वय-34 वर्षे, रा. कळाशी ता. इंदापूर) व दत्तात्रय शिवाजी गोलांडे (रा. गोलांडे वस्ती, इंदापूर, ता. इंदापूर) यांनी संगनमताने मौजे कळाशी, ता. इंदापूर गावचे हददीत राहते घरी बेपत्ता महीला प्रियंका जोतीराम करे (वय-26 वर्षे, रा. कळाशी, ता. इंदापूर) हीच्या चारिञ्यावर संशय घेऊन, तुझे वागणे बरोबर नाही, त्यामुळे आमची नातेवाईक व जनमाणसात बदनामी होत आहे असे म्हणून गळा दाबून जिवे ठार मारले..त्यानंतर चार चाकी वाहन (क्र.MH 14 D A 8972) मध्ये टाकून 28 जानेवारी 2025 रोजी पहाटे 5 वाजताच्या सुमारास नाशिक जिल्ह्यातील नांदगाव तालुक्यातील मौजे ढेकुगाव ते परधाडी घाटात निर्मनुष्य असलेल्या ठिकाणी मृतदेह टाकून देऊन पुरावा नष्ट केला.यावरून वरील आरोपी विरुद्ध सरकारतर्फे फिर्यादी यांनी गुन्हा दाखल केला आहे.या घटनेचा पुढील तपास पोलीस निरीक्षक सूर्यकांत कोकणे यांच्या मार्गदर्शनाखाली पोलीस उपनिरीक्षक दत्तात्रय लेंडवे हे करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
