बारामती - गौण खनिज वाहतूक करणा-या हायवा, टिपर व डंपर यांना बारामती शहरात 24 तास वाहतूकीस परवानगी न दिल्यास आपल्या दोन हजार वाहनांसह येत्या गुरुवारी (ता. 16) सर्व वाहन व्यावसायिक बारामतीत चक्का जाम करणार आहेत. .या संदर्भातील निवेदन प्रशांत नाना सातव यांच्या नेतृत्वाखाली या संघटनेच्या पदाधिका-यांनी सोमवारी (ता. 13) उपविभागीय अधिकारी वैभव नावडकर यांना दिले आहे. शहरातील भिगवण चौकात आपल्या दोन हजार वाहनांसह सर्व वाहनचालक व मालक येतील व चक्का जाम आंदोलन करतील असा इशारा देण्यात आला आहे..निवेदनात नमूद केले आहे की या पूर्वी प्रशासनाने दिलेल्या सर्व आदेशांचे पालन संघटनेने केले आहे, मात्र रात्रीच्या वेळेस डोंगरमाथ्यावरील खडी क्रशर पॉईंटवर जाऊन ही वाहतूक करणे अधिक धोकादायक ठरत आहे.बहुसंख्य वाहन मालकांनी बँकेतून कर्ज काढून वाहने विकत घेतली आहेत, या बंदीमुळे व्यवसायावरच गदा येत असून आर्थिक संकट निर्माण होत असून बँकेचे हप्ते भरणे अवघड झाले आहे..इतर अवजड वाहतूक सुरुच....इतर ट्रक, टँकर, बसेस या सारख्या मोठया वाहनांची वाहतूक शहरातून 24 तास सर्रास सुरु असताना फक्त गौण खनिज वाहनांवरच अन्याय का असाही सवाल या निमित्ताने या संघटनेने उपस्थित केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
