भूगाव येथील पाच मजली अनधिकृत इमारत जमीनदोस्त |Illegal Construction | Sakal
sakal

बोलून बातमी शोधा

Illegal Construction

भूगाव येथील पाच मजली अनधिकृत इमारत जमीनदोस्त

पुणे : भूगाव (ता. मुळशी) येथील पाच मजली अनधिकृत इमारत मंगळवारी (ता. ११) जमीनदोस्त करण्यात आली. पुणे महानगर क्षेत्र विकास प्राधिकरणाच्या (PMRDA) अनधिकृत बांधकाम निर्मूलन विभागाकडून ही कारवाई करण्यात आली. (Illegal Construction In Pune)

‘पीएमआरडीए’च्या हद्दीतील भूगाव परिसरातील सुमारे ११ हजार स्क्वेअर फुटाचे शॉपिंग कॉम्प्लेक्सचे अनधिकृत बांधकाम पाडण्यात आले. ‘पीएमआरडीए’चे अधिकारी व कर्मचारी या वेळी उपस्थित होते. कारवाईदरम्यान, स्थानिक पोलिस बंदोबस्त तैनात करण्यात आला होता, अशी माहिती ‘पीएमआरडीए’च्या अतिक्रमण निर्मूलन विभागाच्या प्रमुख मोनिका सिंह यांनी दिली.

हेही वाचा: वैद्यकीय पदव्युत्तरची प्रवेश प्रक्रिया १३ जानेवारीपासून सुरू

बांधकाम करण्यापूर्वी ‘पीएमआरडीए’मार्फत परवानगी घेण्यात यावी. अनधिकृत बांधकाम केल्यास संबंधितांकडून बांधकाम पाडण्यासाठी येणारा खर्च वसूल करण्यात येईल. तसेच, परवानगीशिवाय कोणत्याही प्रकारचे बांधकाम करण्यात येऊ नये, असे आवाहन करण्यात आले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top