पुणे : लोहगाव नवीन हद्दीत हवाई दलाने प्रतिबंधित केलेल्या ९०० मीटरच्या बॉम्बेडंप भागातील बांधकामावर महापालिकेने बुलडोझर चढविला. या भागातील २४ इमारती पाडून सुमारे ४८ हजार चौरस मीटरवरील अनधिकृत बांधकाम हटविण्यात आले. .लोहगाव विमानतळ हे हवाई दलासाठी सुरक्षेच्या दृष्टीने महत्त्वाचे आहे. या परिसरात बांधकामे होऊ नयेत यासाठी केंद्र शासनाची नियमावली आहे. जी बांधकामे झाली आहेत ती पाडण्यासाठी जिल्हाधिकारी कार्यालयाच्या माध्यमातून महापालिकेने सर्वेक्षण सुरू केले आहे. त्यामुळे हा मुद्दा ज्वलंत असताना महापालिकेने बफर झोन भागात सुरू असलेल्या अनधिकृत बांधकामावर जोरदार कारवाई केली..बांधकाम विभागाने २४ जणांना नोटीस बजावली होती. त्यावर मंगळवारी (ता. २४) कारवाई झाली. यामध्ये जेसीबी व जॉ-कटर या मशिनचा वापर करण्यात आला आहे. बांधकाम विभागाचे कार्यकारी अभियंता एस.एम. साळवे यांच्या मार्गदर्शनाखाली उप अभियंता इरफान शेख, सौरभ खुराड, विभागाचे अधिकारी, कर्मचारी, पोलिस यात सहभागी झाले होते..बांधकाम विभागाचे उप अभियंता इरफान शेख म्हणाले, नागरिकांनी हवाई दलाच्या संरक्षण भिंतीच्या १०० मीटर, १०० मीटर प्रतिबंधित क्षेत्रात येणाऱ्या जागेत तसेच शेती झोन क्षेत्रात बांधकाम करून नव्याने अतिक्रमण बांधकाम केले होते. त्यामुळे २४ जणांना नोटिसा देऊन ही बांधकामे पाडण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
