पुणे - कोंढवा खुर्द परिसरातील जे. के. पार्कजवळील उभारण्यात आलेल्या आठ मजली अनधिकृत इमारतीवर पुणे महापालिकेने आज (ता.७) कारवाई केली. यामध्ये ५ हजार चौरस फुटाचे आरसीसी बांधकाम पाडण्यात आले..ही कारवाई विशेष पथकाच्या माध्यमातून करण्यात आली असून त्यात १० बिगारी, ५ पोलिस कर्मचारी, १ जेसीबी, ४ ब्रेकर, २ गॅस कटर, ४ कनिष्ठ अभियंता आणि २ उपअभियंत्यांचा समावेश होता.कोंढव्यात ही अनधिकृत इमारत बांधून त्यातील सदनिका विकण्याचा प्रयत्न होता..पण महापालिकेने नोटीस बजावून कारवाई करण्यात आली. ही इमारत आता धोकादायक झाली असून, नागरिकांनी तिचा वापर करू नये. तसेच कोणतीही सदनिका विकत घेऊ नये, असे आवाहन पुणे महापालिकेने केले आहे.महापालिकेने अनधिकृत बांधकामांविरोधात सुरू केलेल्या मोहिमेअंतर्गत ही कारवाई करण्यात आली असून, नागरिकांनी अनधिकृत बांधकामापासून आणि फसवणुकीपासून सावध राहावे असेही प्रशासनाकडून स्पष्ट करण्यात आले आहे..दुर्लक्षामुळे कारवाईस स्थगितीकोंढव्यात मोठ्या प्रमाणात अनधिकृत बांधकामे होत आहेत. महापालिकेच्या विकास आराखड्यात क्रीडांगणासाठी आरक्षित असलेल्या भूखंडावर एका सोसायटीने अनधिकृत बांधकाम केले आहे. त्या बांधकामाला नोटीस बजावण्यात आली, पण कारवाई केली नाही, त्यामुळे या सोसायटीने न्यायालयात जाऊन कारवाईवर स्थगिती आणली आहे. त्यामुळे आता विकास आराखड्यातील आरक्षणेही सुरक्षित नसताना प्रशासन कडक भूमिका घेत नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
