पुणे : बुधवार पेठेत अवैध वास्तव्य करणाऱ्या एका बांगलादेशी महिलेला फरासखाना पोलिसांनी ताब्यात घेतले. तिच्याविरुद्ध फरासखाना पोलिस ठाण्यात गुन्हा दाखल करण्यात आला आहे. .पोलिस उपायुक्त कृषिकेश रावले यांच्या सूचनेनुसार बांगलादेशी घुसखोरांविरोधात विशेष मोहीम आखण्यात आली होती. याअंतर्गत पोलिस अंमलदार विशाल शिंदे आणि वसीम शेख यांना बुधवार पेठ परिसरात एक बांगलादेशी महिला राहत असून, ती भारतात अवैधरीत्या वास्तव्य करीत असल्याची माहिती मिळाली..या माहितीच्या आधारे पोलिसांनी क्रांती चौकाजवळ छापा टाकून रीना बेगम महम्मद मिलन मियाँ (वय ३०, रा. ढाका, बांगलादेश) या महिलेला ताब्यात घेतले. ती २०१८ मध्ये पासपोर्टसह भारतात आली होती. तिला केवळ तीन महिन्यांचा व्हिसा मंजूर झाला होता. मात्र, व्हिसाची मुदत संपल्यानंतर ती बांगलादेशात परत न जाता पुण्यातच लपून वास्तव्य करीत होती, अशी माहिती तपासात समोर आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
