पुणे - उपमुख्यमंत्री एकनाथ शिंदे यांच्या कार्यालयातील विशेष कार्य अधिकारी (ओएसडी) असल्याचे भासवून तोतयेगिरी करणाऱ्यावर विश्रामबाग पोलिसांनी गुन्हा दाखल केला आहे. पोलिस उपायुक्त कार्यालयात तो तोतयेगिरी करत होता..प्रद्युम्न श्रीहरी पाटील (वय ४७, रा. लिजंट सोसायटी, हिंजवडी) असे या तोतयाचे नाव आहे. ही घटना परिमंडळ एक पोलीस उपायुक्त यांच्या कार्यालयात बुधवारी (ता. १) दुपारी साडेचार वाजताच्या सुमारास घडली आहे. याबाबत पोलिस उपनिरीक्षक दत्तात्रेय जाधव यांनी विश्रामबाग पोलिस ठाण्यात फिर्याद दिली आहे..समर्थ पोलीस ठाण्यात २०२१ मध्ये सॉफ्टवेअरबाबत फसवणुकीचा गुन्हा दाखल करण्यात आला होता. हा खटल्याची न्यायालयात सुनावणी सुरू आहे. यातील तक्रारदार यांची मित्राच्या माध्यमातून पाटील याची ओळख झाली होती. त्याने तक्रारदार यांना आपण उपमुख्यमंत्री एकनाथ शिंदे यांच्या कार्यालयात ओएसडी असल्याचे सांगितले. तुम्हाला पोलिसांच्या मदतीने न्यायालयाबाहेर नुकसानभरपाई मिळवून देतो. १० टक्के मला द्यावे लागतील, असे त्याने तक्रारदार यांना सांगितल्याची माहिती पोलिस उपायुक्त ऋषिकेश रावले यांनी दिली..पाटील हा बुधवारी (ता. १) दुपारी साडेचार वाजता पोलिस उपायुक्त ऋषिकेश रावले यांच्या कार्यालयात आला. आपण उपमुख्यमंत्री एकनाथ शिंदे यांच्या कार्यालयात ओएसडी असल्याचे त्याने सांगितले. त्यानंतर त्याने रावले यांची भेट घेतली. समर्थ पोलिस ठाण्यातील गुन्ह्यात पोलिसांनी व्यवस्थित तपास केला नाही. मी अनेकदा मेसेज केले़ त्याला उत्तर दिले नाही, असे तो सांगू लागला. त्यामुळे रावले यांना संशय आला..त्यामुळे त्यांनी थेट उपमुख्यमंत्री एकनाथ शिंदे यांच्या कार्यालयात चौकशी केली. त्यावेळी त्यांना समजले की, पाटील ओएसडी नाही. त्याच्याकडे रावले यांनी चौकशी केल्यावर त्याची तोतयेगिरी उघड झाली. त्यानंतर त्याला विश्रामबाग पोलिसांच्या ताब्यात देण्यात आले आहे. पोलिसांनी त्याला नोटीस दिले असून आज चौकशीसाठी बोलावले आहे. सहायक पोलिस निरीक्षक पांडुरंग वाघमारे या गुन्ह्याचा तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
