Pune Rain : पुण्यात आजही अवकाळी! लोहगावात विजांच्या कडकडाटासह पावसाची हजेरी!

Pune Rain Update : पुण्यात आजही काही भागात पावसाला सुरूवात झाली आहे. सिंहगड रस्ता परिसरात पावसाची चिन्ह दिसत आहे परंतु अद्याप पाऊस नाही विजचा कडकडाट सह जोरदार वारे वहात आहे. मात्र लोहगावात विजांच्या कडकडाटासह पावसाला सुरूवात झाली आहे.

यावेळचा अवकाळी पाऊस महाराष्ट्रात थांबण्याचे नाव घेत नाही आहे. राज्याच्या अनेक भागात अधूनमधून पाऊस पडत आहे. पुण्यात विजांच्या कडकडाटासह अवकाळी पावसाने हजेरी लावली. काल देखील पुण्यात मुसळधार पाऊस बरसला. पाषाण परिसरात अनेक भागात पाणी साचले होते. आज देखील काही भागात पावसाला सुरूवात झाली आहे.

राज्याच्या अनेक भागांमध्ये विजेच्या कडकडाटासह अवकाळी पावसाचा इशारा देण्यात आलेला आहे. पुणे हवामान विभागाचे प्रमुख के. एस. होसाळीकर यांनी ट्विट करुन ही माहिती दिली. त्यानुसार आज पुणे, नगर, बीड, उस्मानाबाद, सातारा, कोल्हापूर या जिल्ह्यांसाठी ऑरेंज अलर्ट देण्यात आलेला आहे.