किरकटवाडी (पुणे) : खडकवासला बायपास रस्त्यावरील पुलाचे काम कित्येक दिवसांपासून रखडल्याने नागरिकांची मोठी गैरसोय होत आहे. अगोदरचा पूल तोडून ठेकेदार गायब झाल्याने नागरिकांवर 'आगीतून उठून फुफाट्यात पडण्याची' वेळ आली आहे. नागरिकांची गैरसोय होत असल्याने खडकवासला ग्रामपंचायतीने तुटलेल्या पुलाच्या कडेने तात्पुरता भराव टाकून रस्ता सुरू केला आहे. मागील वर्षी 25 सप्टेंबर रोजी झालेल्या जोरदार पावसामुळे खडकवासला बायपास रस्त्यावरील पुलाचा मातीचा भराव काही प्रमाणात वाहून गेला होता. मूळ पूल मजबूत असल्याने त्यावरून वाहतूक सुरू होती. बायपास रस्त्याचे काम सुरू झाल्यानंतर ठेकेदाराने अगोदरचा पूल तोडून पूर्णपणे उध्वस्त केला. मात्र, ठेकेदाराने रस्ता खोदण्याची व पूल तोडण्याची जी घाई केली ती घाई पुन्हा नविन रस्ता बनवताना व पुलाचे काम करताना दिसली नाही.
पुण्याच्या बातम्या वाचण्यासाठी येथे ► क्लिक करा
खडकवासला बायपास रस्त्याच्या कामाला सुरुवात होऊन वर्ष होऊन गेले. परंतु, अजूनही रस्ता अस्ताव्यस्त खोदलेला आहे. पूल तोडल्यामुळे अनेक दिवस रस्ता वाहतुकीसाठी बंद होता. नागरिकांच्या तक्रारी वाढू लागल्याने खडकवासला ग्रामपंचायतीने पुलाच्या कडेने ओढ्यातून तात्पुरता मुरूम टाकून रस्ता सुरू केला. मात्र आता पुन्हा जोराचा पाऊस झाल्यास टाकलेला मुरूम व बसविलेले पाईप वाहून गेल्याशिवाय राहणार नाहीत. त्यामुळे पुन्हा हा बायपास रस्ता वाहतुकीसाठी बंद होणार आहे. खडकवासला गावातील मुख्य रस्ता अरुंद असल्याने गावातील वाहतूक कोंडी टाळण्यासाठी हा खडकवासला बायपास रस्ता महत्त्वाचा आहे. खडकवासला ग्रामस्थांनी काम रखडल्यामुळे काही महिन्यांपूर्वी आंदोलनाचा पवित्रा घेतला होता. त्यावेळी सार्वजनिक बांधकाम विभागाने मध्यस्थी केल्यानंतर ठेकेदाराने खडकवासला ग्रामस्थांना, 'रस्त्याचे काम पूर्ण झाल्याशिवाय मशिनरी हलवणार नाही', असे लिहून दिले होते. परंतु रस्त्याचे काम तर झालेच नाही उलट एक एक करून कामासाठी आलेल्या सर्व मशिनरी गायब झाल्या आहेत. सार्वजनिक बांधकाम विभागाने मुख्य सिंहगड रस्त्याच्या कामासह खडकवासला बायपास रस्त्याच्या व पुलाच्या कामाकडे तातडीने लक्ष देणे आवश्यक आहे.
"खासदार सुप्रिया सुळे यांच्याकडे खडकवासला बायपास रस्त्यासह मुख्य सिंहगड रस्त्याच्या कामाबाबत निवेदन दिले होते. त्यावेळी खासदार सुप्रिया सुळे यांनी सार्वजनिक बांधकाम विभागाच्या संबंधित अधिकाऱ्यांना तातडीने काम करून घेण्यास बजावले होते. आठवडाभरात काम सुरू होईल असे सार्वजनिक बांधकाम विभाग व ठेकेदाराकडून त्यावेळी सांगण्यात आले होते; परंतु पंधरा दिवस झाले ठेकेदाराकडून याबाबत कोणतीही हालचाल झालेली दिसत नाही."
-सौरभ मते, सरपंच, खडकवासला
"कामामध्ये वेळकाढूपणा होत असल्याने संबंधित ठेकेदाराला वेळोवेळी नोटिसा बजावण्यात आलेल्या आहेत. खडकवासला बायपास रस्त्यावरील पुलाच्या कामाला मंजुरी मिळाली आहे. तातडीने पुलाचे काम पूर्ण करून घेतले जाईल."
-ज्ञानेश्वर राठोड, सार्वजनिक बांधकाम विभाग, शाखा अभियंता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.