पायाभूत क्षेत्र वाढ
सकारात्मक वाढ नोंदवणारी क्षेत्रे
सिमेंट (वजन: ५.३७ टक्के) : या क्षेत्राने सर्वाधिक ९.४ टक्के वाढ नोंदवली असून ते बांधकाम क्षेत्रातील तेजीचे संकेत मानले जात आहे.
पोलाद (वजन: १७.९२ टक्के) : पोलाद उत्पादनात ६.२ टक्के वाढ झाली आहे. २०२५-२६ मध्ये या क्षेत्राचा संचित निर्देशांक ९.५ टक्क्यांनी वाढला होता.
वीज (वजन: १९.८५ टक्के) : वीज निर्मितीत ४.१ टक्के वाढ झाली आहे. यात एप्रिल २०१४ पासून समाविष्ट असलेल्या नूतनीकरणक्षम ऊर्जा स्रोतांचाही समावेश आहे.
घसरण नोंदवणारी क्षेत्रे
कोळसा (वजन: १०.३३ टक्के) : कोळसा उत्पादनात ८.७ टक्क्यांची मोठी घसरण झाली आहे.
खते (वजन: २.६३ टक्के): खतांच्या उत्पादनात ८.६ टक्के घट झाली असून ती कृषी क्षेत्राच्या दृष्टीने चिंतेची बाब ठरू शकते.
नैसर्गिक वायू (वजन: ६.८८ टक्के) आणि कच्चे तेल (वजन: ८.९८ टक्के) : नैसर्गिक वायूमध्ये ४.३ टक्के तर कच्च्या तेलाच्या उत्पादनात ३.९ टक्के घट झाली आहे. ऊर्जा क्षेत्र स्वावलंबी होण्याच्या मार्गातील हे मोठे आव्हान आहे.
पेट्रोलियम रिफायनरी उत्पादने (वजन: २८.०४ टक्के) : सर्वाधिक वजन असलेल्या या क्षेत्रात ०.५ टक्क्यांच्या किंचित घसरणीची नोंद झाली आहे.
