Aircraft Safety : विमानाच्या खिडकीची चौकट निखळली; गोव्याहून पुण्याला येताना २३ हजार फूट उंचीवरील घटना

पुणे : गोव्याहून पुण्याला येणारे विमान (एसजी-१०८०) २३ हजार फूट उंचीवर असतानाच एका खिडकीची आतील चौकट निखळल्याने प्रवाशांमध्ये भीतीचे वातावरण निर्माण झाले. खिडकीला बाहेरचा (आउटर) व मधला (मिडल) असे आणखी दोन प्रकारची आवरणे असल्याने खिडकीतून बाहेरील हवा विमानात शिरली नाही. त्यामुळे विमानाचे पुणे विमानतळावर सुरक्षित लँडिंग झाले.