पुणे - वसंतदादा शुगर इन्स्टिट्यूटच्या (व्हीएसआय) वतीने ३१ जानेवारी ते २ फेब्रुवारी या कालावधीत आंतरराष्ट्रीय परिषदेचे आणि प्रदर्शनाचे आयोजन करण्यात आले आहे. या परिषदेत २१ देशांमधील तज्ज्ञ तसेच देश-विदेशातून दोन हजार उद्योजक, शास्त्रज्ञ सहभागी होणार आहेत, अशी माहिती ‘व्हीएसआय’चे महासंचालक शिवाजीराव देशमुख यांनी पत्रकार परिषदेत दिली.
मांजरी (पुणे) येथील ‘व्हीएसआय’मध्ये शुक्रवारी सकाळी दहा वाजता माजी केंद्रीय कृषिमंत्री आणि ‘व्हीएसआय’चे अध्यक्ष शरद पवार यांच्या हस्ते परिषदेचे उद्‌घाटन होणार आहे. या वेळी उपमुख्यमंत्री अजित पवार, सहकारमंत्री बाळासाहेब पाटील, सार्वजनिक बांधकाम मंत्री अशोक चव्हाण, जलसंपदामंत्री जयंत पाटील, महसूलमंत्री बाळासाहेब थोरात उपस्थित राहणार आहेत. या परिषदेत देशातून तसेच इंग्लंड, थायलंड, ब्राझील, ऑस्ट्रेलिया, फ्रान्स, स्पेन, आयर्लंड, जपान, दक्षिण आफ्रिका, अमेरिका, इंडोनेशिया, इस्त्राईल, फिजी आणि मालावी या देशांतील तज्ज्ञ आणि प्रतिनिधी उपस्थित राहणार आहेत. यात १६५ संशोधन लेखांचे सादरीकरण होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.