पुणे : वैष्णवी हगवणे आत्महत्या प्रकरणातील मुख्य फरार आरोपी वैष्णवीचा सासरा राजेंद्र हगवणे याचा शोध पोलीस घेत आहेत. यासाठी पिंपरी चिंचवड पोलिसांची पथके विविध भागात रवाना झाली आहेत..दरम्यान, आत्महत्या प्रकरणी तपासाला वेग आला असून राजेंद्र हगवणेचा शोध घेण्यासाठी पोलिसांनी त्याच्या नातेवाईकांची चौकशी सुरू केली आहे. यासाठी राजेंद्र हगवणेंचे भाऊ संजय हगवणे यांना चौकशीसाठी बावधन पोलिस ठाण्यात बोलावण्यात आलंय..फरार आरोपी राजेंद्र हगवणे आणि सुशील हगवणे यांच्याबाबत अधिक माहिती मिळवण्यासाठी संजय हगवणे यांची चौकशी करण्यात येत आहे. संजय हगवणे गेल्या अर्ध्या तासापासून पोलीस ठाण्यात आहेत. त्यांच्याकडून मिळणारी माहिती तपासासाठी महत्त्वाची ठरणार आहे. राजेंद्र हगवणे अद्याप पोलिसांच्या हाती लागलेला नसून त्याचा शोध घेतला जात आहे..दरम्यान, वैष्णवीच्या बाळाचा ताबा घ्यायला गेलेल्या कस्पटे कुटुंबाला धमकी देणाऱ्या निलेश चव्हाणवरही गुन्हा दाखल झाला आहे. निलेश रामचंद्र चव्हाण (वय अंदाजे ३५, रा. कर्वेनगर) याच्याविरुद्ध वारजे पोलीस ठाण्यात गुन्हा दाखल करण्यात आला आहे..निलेशने कस्पटे कुटुंबाला धमकी दिल्याचे आरोप आहेत. या प्रकरणी निलेश चव्हाणवर भारतीय दंड संहितेच्या कलम ३५१(३) बीएनएस आणि शस्त्रास्त्र कायद्याच्या कलम ३० अंतर्गत गुन्हा दाखल करण्यात आलाय..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.