धुमशान ग्रामपंचायतीचं: ...तर तुमचा उमेदवारी अर्ज रद्द होऊ शकतो!

पुणे : ग्रामपंचायत निवडणुकीसाठी उमेदवारी अर्ज दाखल करताना जात पडताळणी प्रमाणपत्र किंवा त्यासाठी ऑनलाईन अर्ज केल्याची प्रत जोडणे अनिवार्य आहे. जात पडताळणीच्या ऑनलाइन अर्जाची प्रत दाखल न केल्यास उमेदवारी अर्ज रद्द होऊ शकतो.

- कोरोनाची लस कधी आणि कोठे मिळणार? आरोग्य मंत्रालयानं दिली उत्तरे​

एप्रिल ते डिसेंबर 2020 मध्ये मुदत संपणाऱ्या ग्रामपंचायतींचा निवडणूक कार्यक्रम जाहीर करण्यात आला आहे. पुणे जिल्ह्यातील 746 ग्रामपंचायतीचा समावेश आहे. जात प्रमाणपत्राची पडताळणी करुन जात वैधता प्रमाणपत्र देण्याची प्रक्रिया एक ऑगस्ट 2020 पासून पूर्णपणे ऑनलाईन पद्धतीने करण्यात आली आहे. या प्रक्रियेमध्ये अर्जदारांनी ऑनलाईन अर्ज भरणे, अर्जात परिपूर्ण माहिती भरणे, त्याचे शुल्क ऑनलाईन भरणे, आवश्यक ते दस्तऐवज स्कॅन करुन अपलोड करणे आणि अर्ज ऑनलाईन सबमिट करावयाचा आहे. त्यानंतर अर्जाची हार्डकॉपी काढून पूर्वीच्या पद्धतीप्रमाणेच या समितीच्या कार्यालयात हजर राहून अर्ज दाखल करणे आवश्यक आहे.

 - Sakal Impact: अखेर शिंदे कुटुंबाला मिळाला न्याय; मंत्रालयापासून तलाठी कार्यालयापर्यंत उडाली होती खळबळ​

महासंचालक, डॉ. बाबासाहेब आंबेडकर संशोधन व प्रशिक्षण संस्था, पुणे यांनी निवडणुकीचे जात प्रमाणपत्र पडताळणीचे अर्ज ऑनलाईन पद्धतीनेच स्वीकारवेत, ऑफलाईन पद्धतीने अर्ज स्विकारु नयेत, असे स्पष्ट कळविण्यात आले आहे. तथापि काही अर्जदार पूर्वीप्रमाणेच हस्तलिखीत पद्धतीने जात प्रमाणपत्र पडताळणीचे प्रस्ताव सादर करण्याची शक्यता नाकारता येत नाही. असे हस्तलिखीत अर्ज समितीस स्वीकारता येणार नाहीत. त्यामुळे या समितीचे अधिकारी-कर्मचारी व अर्जदार यांचेमध्ये वाद उद्भवण्याची शक्यता नाकारता येत नाही.

- PM मोदींनी शेतकऱ्यांसमोर जोडले हात; म्हणाले, 'तुमच्यासमोर नतमस्तक व्हायलाही तयार'​

त्यामुळे ग्रामपंचायत निवडणुकीशी संबंधित अधिकाऱ्यांनी सर्व अर्ज ऑनलाईन पद्धतीने सादर केले जातील याची खबरदारी घ्यावी. निवडणूक लढवू इच्छिणाऱ्या कोणत्याही उमेदवारास जात वैधता प्रमाणपत्राचा अर्ज सादर केला नाही म्हणून निवडणुकीपासून वंचित रहावे लागणार नाही, याबाबत हे निर्देश देण्यात आल्याची माहिती निलप्रसाद चव्हाण तहसिलदार (ग्रामपंचायत) यांनी दिली.

- पुण्याच्या बातम्या वाचण्यासाठी येथे ► क्लिक करा

(Edited By: Ashish N. Kadam)