रहिमतपूर,जयपूर येथे अज्ञात ट्रॅक्टरची धडक; तरुणाचा मृत्यू

जयपुरात तरुणाचा
ट्रॅक्टर धडकेत मृत्यू

रहिमतपूर, ता. २ : जयपूर (ता. कोरेगाव) येथील कारखान्यासमोरील रस्त्यावर अज्ञात ट्रॅक्टर-ट्रॉलीच्या धडकेत तरुणाचा मृत्यू झाल्याची घटना २९ डिसेंबरला रात्री ११ वाजण्याच्या सुमारास घडली.
धम्मदीप ऊर्फ प्रवीण युवराज सावंत (मूळ रा. चिंचपूर बुद्रुक, ता. परांडा, जि. धाराशिव. सध्या रा. रहिमतपूर) हा मोटारसायकलवरून कारखान्याकडे जात असताना अज्ञात ट्रॅक्टर-ट्रॉलीने त्याच्या दुचाकीला जोराची धडक दिली. अपघातात तो गंभीर जखमी झाला. त्यास उपचारासाठी सातारा येथील जिल्हा रुग्णालयात दाखल करण्यात आले होते. मात्र, वैद्यकीय अधिकाऱ्यांनी त्याला मृत घोषित केले.
याप्रकरणी मृत तरुणाचे मामा राहुल राजू अवचर यांनी रहिमतपूर पोलिस ठाण्यात अज्ञात ट्रॅक्टर-ट्रॉली चालकाविरुद्ध तक्रार दाखल केली आहे.
------------------------------