परराष्ट्र मंत्री जयशंकर – खालेदा झिया अंत्यसंस्कार

अंत्यसंस्काराला परराष्ट्रमंत्री जाणार
परराष्ट्र मंत्री एस. जयशंकर उद्या (ता. ३१) बांगलादेशला जाणार आहेत. तेथे ते बांगलादेशच्या माजी पंतप्रधान बेगम खालिदा झिया यांच्या अंतिम संस्काराला उपस्थित राहणार आहेत. परराष्ट्र मंत्रालयाने आज याबाबत निवेदन जारी करून माहिती दिली. या निवेदनात म्हटले आहे, की परराष्ट्र मंत्री जयशंकर उद्या ढाका येथे होणाऱ्या बांगलादेशच्या माजी पंतप्रधान आणि बांगलादेश नॅशनॅलिस्ट पार्टीच्या अध्यक्षा बेगम खालिदा झिया यांच्या अंत्यसंस्कारात भारत सरकार आणि भारतातील जनतेचे प्रतिनिधित्व करतील.
शेख हसिना सरकारच्या पतनानंतर महम्मद युनूस यांच्या नेतृत्वाखालील अंतरिम सरकारच्या कार्यकाळात भारत आणि बांगलादेश यांच्यात वाढलेला तणाव तसेच पुढील वर्षी फेब्रुवारीमध्ये बांगलादेशात होणाऱ्या सार्वत्रिक निवडणुकांच्या पार्श्वभूमीवर, जयशंकर यांची बेगम खालेदा झिया यांच्या अंतिम संस्काराला उपस्थिती महत्त्वाची मानली जात आहे.