जेजुरीत रंग रेषेच्या दुनियेत रमले विद्यार्थी

जेजुरी, ता. १८ : सकाळ बालकुमार चित्रकला स्पर्धेनिमित्त जेजुरीतील जिजामाता हायस्कूल अॅड.ज्युनिअर कॉलेज येथील केंद्राच्या प्रांगणात व ऐतिहासिक छत्री मंदिराच्या समोर रंग रेषेच्या दुनियेत विद्यार्थी रमले होते. विद्यार्थ्यांनी रंग, रेषा व कल्पनाशक्तीच्या जोरावर विविध विषयांवर आकर्षक व अर्थपूर्ण चित्रे साकारली.
स्पर्धेचा शुभारंभ कला शिक्षक संघाचे माजी अध्यक्ष रवींद्र कामथे, अशोक साबळे, मुख्याध्यापिका गायत्री बेलसरे यांच्या उपस्थितीत करण्यात आला. प्राचार्य नंदकुमार सागर, प्राथमिक विभागाच्या मुख्याध्यापिका गायत्री बेलसर यांच्या मार्गदर्शनाखाली स्पर्धेचे यशस्वी आयोजन केले. श्री मार्तंड देवसंस्थानचे मुख्य विश्वस्त मंगेश घोणे यांनी स्पर्धेला भेट देऊन ‘सकाळ’च्या उपक्रमाचे कौतुक केले. ‘सकाळ’चे प्रतिनिधी बाबूराव गोळे, बातमीदार तानाजी झगडे यावेळी उपस्थित होते.
या स्पर्धेच्या आयोजनासाठी चित्रकला विभाग प्रमुख योगेश घोरपडे, माध्यमिक विभागप्रमुख बाळासाहेब जगताप, शाळा समन्वयक प्रल्हाद गिरमे, सोमनाथ उबाळे, पांडुरंग आटोळे, कुलदीप साळवे, पूजा दराडे, मयूर शिंदे, पूनम बाठे, सीमा कारंडे , महेश खाडे, जयसिंग वसावे, सुरेश शिंदे , संगिता कुंभारकर,ज्योती धुमाळ, सीमा राणे आदी शिक्षकांनी स्पर्धेचे नियोजन केले.