Pune Crime : जेजुरीचे माजी नगरसेवक मेहबूब पानसरे खुन प्रकरणातील आरोपीला वाघोलीत अटक

Pune Crime – जेजुरीचे माजी नगरसेवक मेहबूब पानसरे यांच्या खुनातील एका मारेकऱ्यास गुन्हे शाखा युनिट सहाच्या पथकाने वाघोलीत अटक केली. दत्ता मारुती मळेकर ( वय 45 वर्ष,रा. गुरुवार पेठ, महाराणा प्रताप रोड, पुणे ) असे अटक केलेल्या मारेकर्याचे नाव आहे. 7 जुलै रोजी राष्ट्रवादी कॉंग्रेस पक्षाचे माजी नगरसेवक महेबुब सय्यदलाल पानसरे यांचा जमीनीच्या वादातुन जेजुरी येथे निर्घृण खुन करण्यात आला होता.या गुन्ह्यातील आरोपी मळेकर वाघोली येथील गायरान परिसरात येणार असल्याची माहिती गुन्हे शाखा युनिट सहाला मिळाली होती.

युनिट सहाचे वरिष्ठ पोलीस निरीक्षक रजनीश निर्मल यांनी पथक तयार करून त्याला पकडण्याची मोहीम हाती घेतली होती. त्याला गायरान परिसरात ताब्यात घेण्यात आले. त्याची चौकशी केली असता गुन्ह्यात त्याचा प्रत्यक्ष सहभाग असल्याची माहिती मिळाली. त्याला पुढील कारवाई साठी जेजुरी पोलिसांकडे ताब्यात देण्यात आले आहे.

गुन्हे शाखा युनिट सहाचे वरिष्ठ पोलीस निरीक्षक रजनीश निर्मल, पोलीस उपनिरीक्षक भैरवनाथ शेळके, पोलीस कर्मचारी मच्छिंद्र वाळके, विठ्ठल खेडकर, कानिफनाथ कारखेले, नितीन मुंडे, संभाजी सपटे, प्रतीक लायगुडे, रमेश मेमाणे, सचिन पवार, ऋषिकेश व्यवहारे, ऋषिकेश ताकवणे, ऋषिकेश टिळेकर, शेखर काटे, अश्फाक मुलानी, ज्योती काळे, नितीन धाडगे, सुहास तांबेकर यांनी ही कामगिरी केली.