पुणे - बॅंकेच्या लॉकरमध्ये ठेवलेले वीस लाख रुपये किमतीचे दागिने लंपास केल्याची घटना कोरेगाव पार्क येथील एका बॅंकेत घडली असून, या प्रकरणी कोरेगाव पार्क पोलिस ठाण्यात अपहाराचा गुन्हा दाखल करण्यात आला आहे.
या प्रकरणी वडगाव शेरी येथील 48 वर्षांच्या नागरिकाने फिर्याद दिली आहे. त्यावरून अनोळखी व्यक्तीवर गुन्हा दाखल करण्यात आला आहे. फिर्यादीचे कोरेगाव पार्क येथील बॅंक ऑफ इंडियाच्या बर्निंग घाट शाखेमध्ये खाते आहे. त्यांच्या पत्नीने 20 लाख 36 हजार रुपये किमतीचे सोन्याचे दागिने संबंधित बॅंकेच्या लॉकरमध्ये ठेवले होते. फिर्यादी दागिने आणण्यासाठी बॅंकेमध्ये गेले होते; परंतु बॅंकेतील लॉकरमध्ये दागिने नसल्याचे त्यांच्या निदर्शनास आले. त्यामुळे त्यांनी बॅंकेकडे तक्रार केली. बॅंकेने चौकशी करून फिर्यादी यांना त्यांच्याकडेच दागिने शोधण्यास सांगितले. मात्र फिर्यादी यांनी बॅंकेच्या लॉकरमध्येच दागिने ठेवल्याचे बॅंकेस सांगितले. त्यानुसार, बॅंकेतील कर्मचाऱ्यानेच लॉकरमधील दागिन्यांना अपहार केल्याप्रकरणी त्यांनी कोरेगाव पार्क पोलिस ठाण्यात फिर्याद दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.