पुणे - पुणे महापालिकेने कनिष्ठ अभियंता (स्थापत्य) पदाच्या ११३ जागांची भरण्यासाठी जाहिरात काढली, त्यासाठी तब्बल २८ हजार ७०० जणांनी अर्ज केले आहेत. मराठा आरक्षणाच्या १० टक्क्याचा समावेश करायचा म्हणून ही भरती प्रक्रिया स्थगित केली गेली..मागासवर्गीय विभागाकडून बिंदू नियमावली तयार करून घेतली, तरीही अजून प्रक्रिया ठप्पच आहे. महापालिका प्रशासनाने वेगात प्रक्रिया पार न पाडल्यास ही भरती पुन्हा महापालिका निवडणुकीच्या आचारसंहितेत अडकण्याची शक्यता आहे.पुणे महापालिकेने २०२२ आणि २०२३ मध्ये एकूण ७४८ जागांची भरती केली. त्यामध्ये कनिष्ठ अभियंता, लिपिक, अग्निशामक दलाचे जवान, आरोग्य विभागातील काही महत्त्वाच्या पदांचा समावेश होता. त्यानंतर ११३ जागांची भरती प्रक्रिया सुरु केली..‘आयबीपीएस’ या संस्थेच्या माध्यमातून मार्च २०२४ महिन्यात यासाठी अर्ज मागविण्यात आले. याच काळात राज्य सरकारने मराठा समाजासाठी शासकीय नोकर भरतीमध्ये १० टक्के आरक्षण निश्चित केले. त्यामुळे या आरक्षणाचा समावेश करण्यासाठी प्रक्रिया सुरु केली. महापालिकेच्या मागासवर्ग विभागाने सुमारे चारपाच महिने त्यावर काम केले.त्यानंतर हा प्रस्ताव शासनाच्या मागासवर्ग समितीकडे पाठविण्यात आला आहे. त्यास मंजुरी मिळाल्यानंतर ज्या उमेदवारांनी खुल्या प्रवर्गातून अर्ज भरला आहे त्यांना मराठा आरक्षणातून अर्ज भरण्याची संधी दिली जाईल. त्यानंतर परिक्षा घेतली अशी एकंदरीत प्रक्रिया आहे..तिसऱ्यांदा आचारसंहितेत अडकणार?११३ पदांची भरती ही लोकसभा निवडणुकीच्या आचारसंहितेत अडकली, त्यानंतर विधानसभेची आचारसंहिता लागू झाल्याने त्या काळातही ही भरती प्रक्रिया ठप्प झाली. आता महापालिका निवडणुकीची गडबड सुरु झाली आहे. पुढील काळात प्रभाग रचना व अन्य कामांना गती येणार आहे. त्यात महापालिकेचे कर्मचारी व्यस्त असतात..तसेच आचारसंहिता झाल्यानंतर परिक्षा होऊ शकणार नाही. त्यामुळे बिंदूनामावली अंतिम करणे, उमेदवारांना आरक्षणाचा पर्याय उपलब्ध करून देणे ही प्रक्रिया पार पाडून लवकर ऑनलाइन लेखी परिक्षा घेणे आवश्यक आहे. अन्यथा तिसऱ्यांदा ही प्रक्रिया आचारसंहितेत अडकणार आहे..‘कनिष्ठ अभियंत्यांची भरती प्रकरणातील प्रस्ताव आयुक्तांकडे सादर केला आहे. ही प्रक्रिया लवकर पूर्ण करावी यासाठी प्रयत्न आहे.’- प्रसाद काटकर, उपायुक्त, सामान्य प्रशासन विभाग.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
