कल्याणीनगर येथे चेंबरच्या झाकणाची चोरी

रामवाडी : कल्याणीनगर येथील जॉगर्स पार्क जवळ चार दिवसा पूर्वी चेंबरची लोखंडी झाकणे चोरीलां गेले आहेत. रहदारीचा रस्ता असल्याने सतत वर्दळ सुरू असते. या उघड्या चेंबरमुळे दुचाकी चालकांचा तोल जाऊन अपघात घडू शकतो. पालिकेच्या संबंधित विभागा कडून या भागातील चेंबरची झाकणे लवकरात लवकर बसविण्यात यावी अशी मागणी नागरिकांकडून केली जात आहे.

गेली चार दिवसापूर्वी नॉर्थ ॲव्हेंन्यू लेन नंबर 2 - अ ,लेन नंबर 6 /12 आणि लेन नंबर 12 मधील ड्रेनेज, पावसाळी पाईपलाईन चेंबरची झाकणे या पूर्वी चोरीला गेल्याने तेथील रहिवाशांनी नगररोड क्षेत्रीय कार्यालयाच्या अधिकार्‍यांकडे तक्रार केली होती. पुन्हा तेच प्रकार सदर ठिकाणी घडत आहे.

झाकणे चोरीला गेल्याने चेंबरच्या आजूबाजूला सायकल,दगड, विटा ठेवण्यात आल्या आहेत. संबंधित विभागा कडून चेंबरची झाकणे लवकरात लवकर बसविण्यात यावी अशी मागणी येथील रहिवासी करीत आहेत.

शुभांगी गलांडे . स्थानिक रहिवासी : चार दिवसापूर्वी चेंबर वरील चोरीला गेली आहेत. कल्याणीनगर येथे पावसाळ्यात अनेक बैठे घरात तसेच सोसायट्या मध्ये पावसाचे पाणी शिरते त्यामुळे अनेकांचे अर्थिक नुकसान होत आहे. पालिका प्रशासनाने या ठिकाणी चेंबर वर लोखंडी झाकणे एका बाजूला वेल्डिंग करून बसविण्यात यावी. जेणे करून चोरीला जाणार नाही.

नामदेव बजबलकर- प्रभारी सहायक आयुक्त , नगररोड क्षेत्रीय कार्यालय : मोबाईल द्वारे संपर्क साधला असता प्रतिसाद मिळाला नाही.