कऱ्हाड कोयनेची पाणीपातळी घटल्याने कऱ्हाडकरांवर पाणीटंचाईचे सावट

कऱ्हाड कोयनेची पाणीपातळी घटल्याने कऱ्हाडकरांवर पाणीटंचाईचे सावट
Published on: 

कऱ्हाडकरांवर पाणीटंचाईचे सावट

कोयनेची पाणीपातळी घटली; वारुंजीतील जॅकवेल पाण्याबाहेर

कऱ्हाड, ता. २७ : कोयना नदीतील पाणीपातळी घटल्याने कऱ्हाड शहराच्या पाणीपुरवठ्याचा प्रश्न ऐरणीवर आला आहे. शहराला पाणीपुरवठा करणाऱ्या वारुंजी येथील जॅकवेलचा काही भाग पाण्याबाहेर आल्याने आगामी काळात पाणीटंचाई निर्माण होण्याची शक्यता आहे. त्यामुळे शहरातील नागरिकांना नियमित आणि पुरेशा दाबाने पाणीपुरवठा सुरू ठेवण्याचे आव्हान पालिका प्रशासनासमोर उभे राहिले आहे.

कऱ्हाड शहराच्या पाणीपुरवठ्यासाठी कोयना नदीतील पाण्याची उपलब्धता महत्त्वाची आहे. मात्र, उन्हाळ्याच्या पार्श्वभूमीवर नदीची पाणीपातळी कमी होत असल्याने पाणी उपशावर परिणाम होण्याची शक्यता निर्माण झाली आहे. वारुंजी येथील जॅकवेलचा काही भाग उघडा पडल्याने या परिस्थितीची गांभीर्याने दखल घेण्याची गरज आहे. पाणीपातळीत आणखी घट झाल्यास शहराचा पाणीपुरवठा सुरळीत ठेवताना अडचणी येऊ शकतात. सध्या शहरात दोन वेळचा पाणीपुरवठा सुरू असला, तरी उपलब्ध पाणीसाठा किती काळ पुरेल आणि नदीची पातळी आणखी घटल्यास कोणते पर्याय उपलब्ध असतील, याबाबत नियोजन महत्त्वाचे ठरणार आहे. पाणीटंचाई तीव्र झाल्यानंतर उपाययोजना करण्याऐवजी पालिकेने आतापासूनच संभाव्य परिस्थितीचा आढावा घेणे आवश्यक आहे.
------------------------------
चौकट
पर्यायी व्यवस्थेची गरज

कोयना नदीतील पाणीपातळी, जॅकवेलची स्थिती आणि पाणी उपशाची क्षमता यांचे नियमित निरीक्षण करणे गरजेचे आहे. पाणी उपशात अडथळे निर्माण झाल्यास पर्यायी व्यवस्था उपलब्ध ठेवण्याबरोबरच वितरणाचे नियोजन करावे लागणार आहे. आवश्यकतेनुसार पाणीपुरवठ्याच्या वेळेत बदल किंवा कपात करावी लागल्यास नागरिकांना पूर्वसूचना देणेही महत्त्वाचे ठरेल.
नागरिकांनीही पाण्याचा अपव्यय टाळून उपलब्ध पाण्याचा जपून वापर करणे आवश्यक आहे. संभाव्य टंचाईच्या पार्श्वभूमीवर पालिका प्रशासन कोणत्या उपाययोजना करणार आणि शहराचा पाणीपुरवठा कसा सुरळीत ठेवणार, याकडे कऱ्हाडकरांचे लक्ष लागले आहे.

PNE26W61924
वारुंजी (कऱ्हाड) ः कऱ्हाड शहराला पाणीपुरवठा करण्यासाठी बांधलेले जॅकवेल पाण्याबाहेर आले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.