Karnataka Election : कर्नाटकात काँग्रेस विजयी! पुण्यात धंगेकरांचं सेलिब्रेशन; केला भन्नाट डान्स | Video

कर्नाटक विधानसभा निवडणुकीत काँग्रेसने दणदणीत विजय मिळवला. काँग्रेसच्या या विजयाचं पुण्यातील कसब्यातही जंगी सेलिब्रेशन करण्यात आलं आहे. काँग्रेसचे कसब्यातील आमदार रविंद्र धंगेकर यांनी हा विजय साजरा केला. यावेळी त्यांनी काँग्रेस भवनासमोर आपल्या कार्यर्त्यांसोबत ठेका धरला.

तब्बल ३४ वर्षांनंतर राज्यात पुन्हा एकदा काँग्रेसने आपला विक्रम स्थापित केला आहे. १९८९ नंतर प्रथमच काँग्रेसने राज्यात १३६ जागा जिंकल्या असून भाजपला मोठा धक्का बसल्यामुळे देशात पुन्हा काँग्रेस राज येणार का? अशा चर्चा सुरू झाल्या आहेत.

दरम्यान, काँग्रेस नेते डी. के. शिवकुमार यांच्या नेतृत्वाखाली या निवडणुका पार पडल्या. काँग्रेसच्या प्रचारासाठी राहुल गांधी, अध्यक्ष मल्लिकार्जुन खर्गे, प्रियांका गांधी यांनी हजेरी लावली होती. तर भाजपकडून मोदी, शाह यांनी हजेरी लावूनही त्याचा काही फायदा झाला नाही. काँग्रेसनी १३६ जागांवर विजय मिळवत एकहाती विजय मिळवला आहे.