Students, senior citizens, women and farmers face daily hardships while commuting, prompting calls for urgent action from the administration.
Sakal
तळेगाव ढमढेरे : कासारी (ता. शिरूर) सोनार मळा येथे येण्या - जाण्यासाठी वर्षानुवर्ष दुरावस्था झालेल्या रस्त्याने स्थानिक ग्रामस्थांना मार्गक्रमण करावा लागत आहे. पावसाळ्यात अतिशय बिकट परिस्थिती या रस्त्याची होते. शालेय विद्यार्थी, ज्येष्ठ नागरिक, महिला, शेतमजूर व स्थानिक ग्रामस्थांना या लोकवस्तीवर येण्या- जाण्यासाठी पावसाळ्यात प्रचंड कसरत करावी लागते. पावसाळ्यात या रस्त्याने पायी चालणे अतिशय कठीण होते. वाहने तर या रस्त्याने जाऊ शकत नाहीत. या रस्त्याने येण्या- जाण्यासाठी ग्रामस्थांना जीव मुठीत धरावा लागतो. रात्रीच्या वेळी तर अत्यंत भयानक कसरत करावी लागते. त्यातच परिसरात बिबट्याच्या भीतीने ग्रामस्थ भयभीत होतात.
