पुणे - चौकाचौकात, रस्त्यावर अनधिकृत फ्लेक्स लावून शहर विद्रूप करण्यात राजकीय पुढारी हातभार लावत असतात. पण आता कसबा विधानसभा मतदारसंघाचे आमदार हेमंत रासने यांनी फ्लेक्स मुक्त कसब्याची घोषणा केली आहे. मतदारसंघात मी स्वतः किंवा भाजपचा कोणताही कार्यकर्ता अनधिकृत फ्लेक्स लावणार नाही. नागरिकांनीही या मोहिमेत सहभागी व्हावे असे आवाहन आमदार रासने यांनी केले.
रासने यांनी कसबा मतदारसंघातील कचऱ्याची समस्या सोडविण्यासाठी स्वच्छ सुंदर, विकसित कसबा हा उपक्रम सुरु केला. त्यास तीन महिने होत आले असून, आत्तापर्यंत २६ ठिकाणचे उकिरडे (क्रॉनिक स्पॉट) कायमचे बंद झाले आहेत. त्यामुळे राष्ट्रसंत गाडगे महाराज यांच्या जयंतीनिमित्त येत्या बुधवारी (ता. २६) सायंकाळी ५ ते ७ या वेळेत या २६ ठिकाणी 'स्वच्छता नारायणा'ची पूजा केली जाणार आहे, अशी माहिती रासने यांनी पत्रकार परिषदेत दिली.
अनधिकृत फ्लेक्स मुक्त उपक्रमाबाबत रासने म्हणाले, ‘स्वच्छतेत देशात सलग ७ वर्ष पहिला क्रमांक पटकावणाऱ्या इंदूर शहरात अनधिकृत फ्लेक्स लावले जात नाहीत. त्यामुळे कसब्यातही अनधिकृत फ्लेक्स लावले जाणार नाहीत, याची सुरुवात मी स्वतःपासून करत आहे.
भाजपच्या कार्यकर्त्यांनीही माझा फोटो असलेला अनधिकृत फ्लेक्स कुठेही लावू नये. जर लावला तर मी स्वतः प्रशासनाकडे तक्रार करुण संबंधित कार्यकर्त्यावर कारवाई करायला भाग पाडले केली ईल. फ्लेक्समुक्तीमुळे शहराच्या सौंदर्यात भर पडेल. या उपक्रमात नागरिकांनीही सहभागी व्हावे, असे आवाहन रासने यांनी केले.
‘फ्लेक्स लावले तरच निवडणूक जिंकता येते असे नाही. त्यामुळे माझ्या या घोषणेमुळे भाजपच्या कार्यकर्त्यांचे नुकसान होईल असे नाही. फ्लेक्सबाजी न करता महापालिका निवडणुकीत कसब्यातील सर्व २४ जागा जिंकून आणून दाखवू.’
- हेमंत रासने, आमदार
सारसबाग ते शनिवारवाडा बोगदा
मध्यवर्ती भागातील वाहतूक कोंडीची समस्या सोडविण्यासाठी सारसबाग ते शनिवारवाडा या दरम्यान बोगदा करावा अशी मागणी मुख्यमंत्री देवेंद्र फडणवीस यांच्याकडे केली आहे. फडणवीस यांची नुकतीच भेट घेतली तेव्हा १८ मागण्यांचे निवेदन त्यांना दिले आहे.
यामध्ये शनिवारवाड्याचे पुनरुज्जीवन, सारसबाग आणि पेशवे उद्यानाचा एकात्मिक विकास, ऐतिहासिक वास्तूंच्या परिसरातील जुन्यावाड्यांचा प्रश्न, दगडूशेठ गणपती मंदिराच्या विस्तारासाठी शासकीय जागेचे हस्तांतरण, कसबा गणपती मंदिर, ओंकारेश्वर मंदिर, दगडूशेठ हलवाई गणपती मंदिराला पर्यटनासाठी ब वर्ग दर्जा मिळावा यासह अन्य मागण्या केल्या आहेत. असे रासने यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.