Katraj Issues Sakal
पुणे
Katraj Issues : सोपानकाकानगरमध्ये नागरी सुविधांचा अभाव, नागरिकांमध्ये तीव्र नाराजी; तीन वर्षांपासून करत भरुनही महापालिकेचे दुर्लक्ष
Pune Civic Problems : कात्रजमधील सोपानकाका नगर परिसरात कर भरूनही तीन वर्षांपासून पाणी, रस्ते, पथदिवे व सांडपाणी व्यवस्थेसारख्या मूलभूत सुविधा न मिळाल्याने नागरिकांमध्ये तीव्र नाराजी व्यक्त होत आहे.
कात्रज : गुजर-निंबाळकरवाडी परिसरातील सोपानकाकानगर भागातील नागरिक गेली तीन वर्षे नियमितपणे कर भरत आहेत. मात्र, तरीही परिसरात मूलभूत नागरी सुविधांचा अभाव कायम असल्याने नागरिकांतून तीव्र नाराजी व्यक्त होत आहे. पाणीपुरवठा, रस्ते, पथदिवे आणि सांडपाणी व्यवस्थापन या प्राथमिक गरजांकडे महापालिकेकडून सातत्याने दुर्लक्ष होत असल्याचा आरोप नागरिक करत आहेत.