Khadakwasala Bridge : खडकवासला पुलाचे आयुष्य वाढले; जड वाहतूक लवकरच होणार सुरू

पुणे - खडकवासला धरणाखालील मुठा नदीवर असलेल्या आणि खडकवासला-शिवणे परिसराला जोडणाऱ्या महत्त्वाच्या पुलाच्या दुरुस्ती व बळकटीकरणाचे काम पुणे महापालिकेने पूर्ण केले आहे. सुमारे दोन कोटी रुपये खर्चून केलेल्या या कामामुळे पुलाचे आयुर्मान वाढले असून, पुढील १० ते १५ वर्षे वाहतुकीसाठी हा पूल सुरक्षित झाला आहे. यामुळे परिसरातील नागरिकांना मोठा दिलासा मिळाला आहे.