खडकवासला - खडकवासला धरण परिसरात गेल्या ११ तासांत सुमारे ४१ मिलिमीटर पावसाची नोंद झाली आहे. खडकवासला धरण परिसरातील लगतच्या गावांमध्ये दिवसभर पावसाने अक्षरशः झोडपून काढले. .मात्र, याच कालावधीत पानशेत आणि वरसगाव धरणांच्या पाणलोट क्षेत्रात पावसाचे प्रमाण कमी होते, तर टेमघर धरण परिसरात अजिबात पाऊस झाला नाही. धरणालगतच्या गावांमध्ये मोठ्या प्रमाणावर पाऊस पडला. सिंहगडावर मात्र पाऊसच झालाच नाही.आज सकाळी ६ वाजल्यापासून सायंकाळी ५ वाजेपर्यंत खडकवासला धरणात ४१ मिलिमीटर पाऊस पडला आहे. एक जूनपासून येथे एकूण ७१ मिलिमीटर पावसाची नोंद झाली आहे. सध्या खडकवासला धरणात ०.७५ टीएमसी म्हणजे ३८.२२ टक्के पाणीसाठा शिल्लक आहे..पानशेत धरणात याच ११ तासांच्या कालावधीत केवळ पाच मिलिमीटर पाऊस झाला. एक जूनपासून येथे २९ मिलिमीटर पाऊस पडला आहे. सध्या पानशेत धरणात १.८० टीएमसी म्हणजे १६.८७ टक्के पाणीसाठा शिल्लक आहे.वरसगाव धरणाच्या पाणलोट क्षेत्रातही पावसाचे प्रमाण कमी राहिले. सकाळी ६ ते सायंकाळी ५ या वेळेत येथे फक्त सहा मिलिमीटर पाऊस झाला. एक जूनपासून येथे एकूण ३२ मिलिमीटर पाऊस पडला आहे. वरसगाव धरणात सध्या २.७६ टीएमसी म्हणजे २१.५६ टक्के पाणीसाठा शिल्लक आहे..सर्वात चिंतेची बाब म्हणजे टेमघर धरणाच्या परिसरात सकाळी ६ वाजल्यापासून सायंकाळी ५ वाजेपर्यंत अजिबात पाऊस झालाच नाही. एक जूनपासून येथे एकूण ४१ मिलिमीटर पाऊस पडला आहे. या धरणात केवळ ०.१८ टीएमसी म्हणजे ४.८९ टक्के पाणीसाठा शिल्लक आहे..मागील वर्षाच्या तुलनेत पाणीसाठ्यात वाढखडकवासला धरण साखळीतील चारही धरणांमध्ये आज दिवस अखेर एकूण ५.५० टीएमसी १८.८६ टक्के पाणीसाठा शिल्लक आहे. गेल्या वर्षी याच दिवशी धरण साखळीत ४.५६ टीएमसी म्हणजे १५.६६ टक्के पाणीसाठा शिल्लक होता. याचा अर्थ, मागील वर्षाच्या तुलनेत यंदा धरण साखळीत एक टीएमसी अधिक पाणीसाठा उपलब्ध आहे, ही दिलासादायक बाब आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
