पुणेकरांनो पाणी जपून वापरा, नाहीतर....

पुणे : भीमा खोऱ्यातील जिल्ह्यातील बहुतांश धरणांमध्ये सध्या पाणीसाठा निम्म्यापेक्षाही कमी आहे. तसेच, पुणे शहराला पाणीपुरवठा करणाऱ्या खडकवासला प्रकल्पातील पाणीसाठ्यात किंचित वाढ झाली असून, सध्या केवळ 33 टक्के म्हणजे 9.61 अब्ज घनफूट (टीएमसी) इतका उपयुक्त पाणीसाठा उपलब्ध आहे. 

कोरोना काळात आरोग्य विभागाचे कार्यालयच बंद..कारण..

यंदाच्या पावसाळ्यात भीमा खोऱ्यातील धरणांच्या पाणलोट क्षेत्रात अद्याप समाधानकारक पाऊस झालेला नाही. गेल्या 24 तासांमध्ये धरणांच्या पाणलोट क्षेत्र पाऊस झाला नाही. खडकवासला प्रकल्पातील टेमघर, वरसगाव, पानशेत आणि खडकवासला या चार धरणांच्या पाणलोट क्षेत्रातही अद्याप समाधानकारक पाऊस झालेला नाही. परंतु परिसरात काही प्रमाणात झालेल्या पावसामुळे धरणातील पाणीसाठ्यात किंचित वाढ झाली आहे. या प्रकल्पात सध्या सुमारे 33 टक्के इतकाच पाणीसाठा उपलब्ध आहे. गतवर्षी खडकवासला प्रकल्प या तारखेस सुमारे 51 टक्के म्हणजे 14.83 टीएमसी पाणीसाठा होता.उजनी धरणात उपयुक्त पाणीसाठा सुमारे अर्धा टीएमसी म्हणजे एक टक्के इतका आहे. पिंपळगाव जोगे, नाझरे या धरणांमध्ये पाणीसाठा शून्यावरच आहे. 

पुण्यात नव्या निर्णयामुळे सौम्य लक्षणे असणाऱ्या रुग्णांना आणि कुटुंबांना  दिलासा

भीमा खोऱ्यातील धरणांतील पाणीसाठा टीएमसीमध्ये (कंसात टक्केवारी) : 
माणिकडोह  0.96  (9.48)
डिंभे 4.21  (33.68)
घोड 1.22  (25.12)
चासकमान 1.17  (15.38) 
भामा आसखेड 3.19  (41.57)
पवना 2.97  (34.96)
मुळशी  4.64  (25.13)
नीरा देवधर 2.65  (22.57)
भाटघर 8.67  (36.88)
वीर 3.66  (38.87)
उजनी 0.53  (0.98)

खडकवासला प्रकल्प : 
टेमघर 0.67  (17.95)
वरसगाव 3.86  (30.15)
पानशेत 4.39  (41.25)
खडकवासला 0.69  (34.93)

पुण्याच्या इतर बातम्या वाचण्यासाठी येथे क्लिक करा