Four locked apartments in Khadakwasla society broken into; valuables worth ₹1.44 lakh stolen.
sakal
खडकवासला : खडकवासला, ता. ३० : खडकवासला परिसरातील होमडेल सोसायटी येथे रविवारी पहाटे साडेतीनच्या सुमारास झालेल्या घरफोडीच्या घटनेने परिसरात खळबळ उडाली आहे. चार अज्ञात चोरट्यांनी सोसायटीतील चार बंद सदनिकांचे कुलूप तोडून घरात प्रवेश करत रोख रक्कम व ऐवज मिळून सुमारे दीड लाख रुपयांचा मुद्देमाल लंपास केला. ही घटना नांदेड सिटी पोलीस ठाणे हद्दीत घडली असून पोलिसांनी तपासाला वेग दिला आहे. या प्रकरणी अनमोल आनंद घोष (वय १९) यांनी दिलेल्या तक्रारीवरून पोलिसांनी गुन्हा नोंदवला आहे.