खलिस्थान समर्थकास NIAनं केली अटक; पुण्यातील एका प्रकरणी आढळला दोषी

पुणे : चाकण परिसरात बेकायदा पिस्तुल बाळगल्याप्रकरणी मागील वर्षी राष्ट्रीय तपास यंत्रणेने (एनआयए) एका खलिस्थान समर्थकाला अटक केली होती. संबंधित प्रकरणात आणखी एकाचे नाव पुढे आले होते, त्यास बुधवारी (२३ डिसेंबर) 'एनआयए"ने दिल्लीतील आंतरराष्ट्रीय विमानतळावर अटक केली. पुढील चौकशीसाठी त्यास मुंबई 'एनआयए"च्या ताब्यात देण्यात आले आहे.

गुरुजीतसिंग निज्जर (रा.पंडोरी सुखासिंग, अंजाला, अमृतसर, पंजाब)  असे अटक केलेल्याचे नाव आहे. निज्जर खलिस्थान समर्थक आहे. निज्जर हा शीख समुदायातील युवकांना जाळ्यात ओढत असल्याचे तपासात निष्पन्न झाले होते. मागील वर्षी एनआयने चाकण येथून एका खलिस्थान समर्थकास अटक केली होती. त्याच्या चौकशीत निज्जरचे नाव पुढे आले होते. त्याच्याविरुद्ध गुन्हा दाखल झाल्यानंतर तो परदेशात पसार झाला होता.

- अखेर २३ गावांचा पुणे महापालिकेत समावेश; राज्य सरकारने काढला आदेश!​

दरम्यान, निज्जर हा समाजमाध्यमावर खलिस्थानची मागणी करणारे संदेश तो प्रसारित करत होता. त्याला पकडण्यासाठी लूक आऊट नोटीस बजावण्यात आली होती. मंगळवारी तो सायप्रसमधून विमानाने दिल्लीतील इंदिरा गांधी आंतराष्ट्रीय विमानतळावर उतरला. त्यावेळी एनआयएच्या पथकाने त्याला अटक केली. निज्जरला मुंबईतील एनआयएच्या पथकाच्या ताब्यात देण्यात आले आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)