पारगाव - धामणी, ता. आंबेगाव येथील खंडोबा मंदिराच्या प्रांगणात पारंपारिक वाद्याच्या गजरात व शेकडो भाविकांच्या उपस्थितीत शाही थाटात काल सोमवारी पौष पौर्णिमेनिमित्त सदानंदाचा येळकोटच्या जयघोषात खंडोबा म्हाळसाईचा विवाह सोहळा संपन्न झाला..काल पहाटे खंडोबा मंदिरात स्वयंभू सप्तशिवलिंगाचा अभिषेक व आरती करण्यात आली त्यानंतर सेवेकरी धोंडीबा भगत, दादाभाऊ भगत, सुभाष तांबे, प्रभाकर भगत, शांताराम भगत, दिनेश जाधव, माऊली जाधव वाघे, सिताराम जाधव वाघे, राजेश भगत, पांडुरंग भगत, राहुल भगत यांनी व महिला भाविकांनी स्वयंभू सप्तशिवलिंगाला व सर्वांगसुंदर खंडोबा व म्हाळसाईच्या मुखवट्याला चंदन उटीचा लेप दिला व त्यावर सुंगधी दवणाच्या अत्तरात मिश्रित केलेली हळद लावण्यात आली. यावेळी देवाला हळद लावण्यासाठी महिला भाविकांची उपस्थिती लक्षणीय होती..सकाळी दहा वाजता बाळासाहेब बढेकर, विठ्ठल बढेकर, अंकुश बढेकर यांच्या मानाच्या मांडवडहाळ्याची पारंपारिक वाद्याच्या गजरात मिरवणूक काढण्यात येऊन सजवलेल्या बैलगाड्यातील मांडवडहाळे मंदिरात सदानंदाचा येळकोट करून व भंडार्याची उधळण करुन देवाला अर्पण करण्यात आले..श्री म्हाळसाकांत खंडोबा व म्हाळसाईदेवी यांच्या लग्न सोहळ्यानिमित्त मंदिरात आकर्षक फुलांची सजावट करण्यात आली होती खंडोबाला व म्हाळसाईच्या मुर्तीला बांशिग व मुडावळ्या बांधण्यात आल्या.बाजारपेठेतील मुक्ताबाई मंदिरात पौष महिण्याच्या पालखीचे मानकरी समस्त करंजखेले मंडळीच्या हस्ते आरती करण्यात आल्यानंतर बाशींग व मुडावळ्या बांधलेला खंडोबाचा मुखवटा पालखीत ठेऊन पारंपारिक वाद्याच्या गजरात मिरवणुक काढण्यात आली मिरवणूक सायंकाळी पावणेपाच वाजता मंदिरात विसावली..मंदिराच्या आवारात नवरदेव म्हाळसाकांत खंडोबाचे महिलांनी औक्षण करुन स्वागत केले त्यानंतर सनई व तुतारीच्या निनादात बाशिंग व मुंडावळ्या घातलेल्या व हिरवी साडी परिधान केलेला म्हाळसाईचा मुखवटा मंडपात आणला.सांयकाळी ५ वाजता खंडोबा म्हाळसाईच्या फुलांच्या पाकळ्या व अक्षता भंडारा उधळून वाद्याच्या निनादात व फटाक्याच्या आतषबाजीत सदानंदाचा येळकोट करुन खंडोबा म्हाळसाईचा विवाह सोहळा पार पडला. त्यानंतर उपस्थित वर्हाडी मंडळीना मोतीचूर लाडूचा प्रसाद देण्यात आला.शाही विवाह सोहळ्याचे पौरोहित्य प्रमोद देखणे, बाळू बेरी व मुकुंद क्षिरसागर यांनी केले..यावेळी देवस्थानचे अध्यक्ष प्रकाश पाटील, माजी पंचायत समिती सदस्य रविंद्र करंजखेले, सरपंच रेश्मा बोर्हाडे, उपसरपंच अक्षय विधाटे, पहाडदर्याचे सरपंच मच्छिंद्र वाघ, उपसरपंच कैलास वाघ, सागर जाधव, सुनिता विधाटे, भगवान वाघ, मयुर सरडे, संदीप बोर्हाडे, प्रतिक जाधव व पंचक्रोशीतील भाविक ग्रामस्थ मानकरी सेवेकरी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
