सोमय्यांनी आरोप केलेले लोक जेलऐवजी भाजपात कसे? - रूपाली पाटील ठोंबरे

पुणे : भाजपची सत्ता असणाऱ्या पुणे मनपातील भ्रष्टाचारचे निवेदन घ्यायला किरीट सोमय्या (Kirit Somaiya) जी एवढे का घाबरता? तिथल्या भ्रष्ट कारभारावर बोलायला कशाची भीती वाटते? तुम्ही आरोप केलेले लोक जेलमध्ये जाणार होते? ते सर्व भाजपात कसे गेले? ये पब्लिक है! सब जाणती है..., असे ट्विट राष्ट्रवादी काँग्रेसच्या नगरसेविका रूपाली पाटील ठोंबरे (Rupali Patil Thombre) यांनी केले.

भाजपचे नेते किरीट सोमय्या महाविकास आघाडीच्या नेत्यांवर नेहमी आरोप करीत असतात. ते नेहमी महाविकास आघाडीचे भ्रष्टाचार अघडकीस आणणार असल्याचे बोलतात. तेव्हा किरीट सोमय्या यांनी आरोप केलेले अनेक नेते भाजपमध्ये काय करीत आहेत, असा थेट सवाल रूपाली पाटील ठोंबरे (Rupali Patil Thombre) यांनी उपस्थित केला.

किरीट सोमय्या (Kirit Somaiya) यांनी महाविकास आघाडीच्या मंत्र्यांवर, नेत्यांवर आरोप करण्याची मालिका सुरू केली आहे. लोकशाहीमध्ये पारदर्शक कारभार केलाच पाहिजे आणि करतच आहे असे सांगतानाच ज्यांच्यावर किरीट सोमय्या यांनी आरोप केले आहेत. आज ते सर्व नेते भाजपात आहेत. तुम्ही आरोप केलेले लोक जेलमध्ये जाणार होते? ते सर्व भाजपात कसे गेले? असेही रूपाली पाटील ठोंबरे (Rupali Patil Thombre) म्हणाल्या.