किरीट सोमय्यांना धक्काबुक्कीची केंद्राकडून दखल; CISF अधिकारी पुण्यात दाखल

पुणे : महानगरपालिकेत किरीट सोमय्यांना झालेल्या धक्काबुक्कीची दखल आता केंद्र सरकारकडून घेण्यात आली आहे. या प्रकरणानंतर भाजपने आक्रमक होत शिवसेनेवर हल्ला चढवला होता. तसेच गृहमंत्री अमित शहा आणि राज्यपालांना पत्राद्वारे तक्रार दाखल केली होती. यानंतर आता सोमय्यांना झालेल्या धक्काबुक्की प्रकरणाच्या चौकशीसाठी सीआयएसएफचे अधिकारी पुण्यात दाखल झाले आहेत. हे अधिकारी केंद्राला अहवाल दाखल करतील.

सध्या शिवसेनेच्या अनेक कार्यकर्त्यांवर गुन्हे दाखल झाले आहेत. त्यांना अटकही करण्यात आली होती. त्यानंतर त्यांना जामीन मंजूर झाला. मात्र, आणखी गंभीर कलमांतर्गत गुन्हा दाखल व्हायला हवा, यास्तव प्रयत्न करण्यात येणार आहे. या अधिकाऱ्यांनी घेतली पुणे पोलिस आयुक्तांची भेट घेतली आहे. CISF चे जवान किरीट सोमय्यांसोबत होते. त्यामुळे या वरिष्ठ अधिकाऱ्यांनी अशी तक्रार केलीय की, आमच्या जवानानांही धक्काबुक्की झाली आहे. त्यामुळे केंद्राने थेट यामध्ये दखल घेतली आहे.